Охрид и Струга ќе соработуваат со АППТ за развој на туризмот

Средби со градоначалниците на Охрид и Струга, Јован Стојановски и Рамиз Мерко, се дел од активностите на Агенцијата за промоција и поддршка на туризмот (АППТ) на Република Македонија кои ја интензивират меѓуинституционалната и регионалната соработка за зајакнување на туризмот и подобрување на соработката на локално и национално ниво.

Како што информираат од АППТ, на средбата со Мерко договориле отпочнување заедничка соработка во делот на промоцијата и поддршката на туризмот, односно заеднички настап на саемски манифестации, пред се на саемот во Тирана, Албанија. На средбата се дискутирало и за потенцијални инвеститори и инвестициски можности во струшкиот регион. Со Стојановски се разговарало за заеднички настапи со АППТ на саемите за туризам – со приоритет на саемот за туризам во Република Србија кој се одржува следната недела. Овој саем, велат од Агенцијата е од посебна важност за градот Охрид поради фактот дека најголемиот број на туристи во Охрид се од Србија, а соработката за промоција ќе продолжи и на саемите во Хрватска и Германија.

- Законот за угостителство во делот на категоризација на објекти и формирање на туристичка инспекција се наметнуваат како приоритет за решавање, со што се постигна обострана согласнот дека ќе се пристапи кон барање од туристичкото стопанство за формирање на туристичката инспекција, како и заштита на некои природни споменици како Студеничкото блато и изворите на реката Дрим во Охрид како атракции за еко туризам и нивна заштита, стои во соопштението на АППТ.

Гром “спржи“ автобус во Грција

Меѓуградски автобус изгоре од удар на гром на североистокот на Грција.

Меѓуградски автобус изгоре од удар на гром на североистокот на Грција, а притоа ниту еден од патниците не бил повреден, соопшти грчката противпожарна служба.

Ова се случило на патот од Александрополис до Орестијада, оддалечена околу 20 километри, во близина на границата со Турција.

Громот удрил во автобусот за време на врнежите во попладневните часови.

Автобусот се запалил, а возачот го запрел возилото и ги евакуирал 12 патници и кондуктерот.

Како што пренесува „АП“, нема повредени.

Пожарот го гаснеле 18 пожарникари со шест противпожарни возила.

Прекин во снабдувањето со вода на дел од Гостивар

Гостиварското јавно комунално претпријатие „Комуналец“ за утре најави повеќечасовен прекин во снабдувањето со вода за пиење на дел од градското подрачје. 

Причината како што наведуваат од таму е санирање на дефект.

- Прекинот е заради изведување поправки на цевководот во близина железничката станица. Планирано е тој трае до пладне, односно до поправка и и негово оспособување. Во овој период дел од корисниците во градот кои се снабдуваат со вода од градскиот водовод, нема да добиваат вода, информираат од ЈП Комуналец.

Покрај тоа, за утре се планирани прекини во снабдувањето со вода за пиење на целото гостиварско подрачје.

- Тоа е планирано да почне од утринските часови. Прекините ќе бидат во функција на пробно пуштање во работа на пречистителната станица и подготовките за редовно снабдување со филтрирана вода. Од овие причини бараме разбирање од граѓаните, потенцираат од ЈП „Комуналец“.

Сончево, температура до 32 степени, попладне нестабилно

Времето претпладне ќе биде сончево со мала локална облачност. 

Попладне облачноста ќе се зголемува главно во планинските региони на север и на запад, каде ќе има услови за краткотрајна нестабилност, некаде проследена со краткотраен пороен дожд и ретки грмежи. Во текот на денот ќе дува слаб до умерен северен ветер.

Утринската температура ќе се движи од девет до 16,  дневната од 25 до 32 степени. УВ-индексот ќе изнесува 7.

Во Скопје претпладне сончево со мала локална облачност, а од пладневните часови и во Скопската котлина ќе се зголемува облачноста, која во планините ќе има услови за краткотрајна нестабилност. Утринската температура ќе биде 14, а дневната ќе достигне до 29 степени.

Во следните денови ќе преовладува стабилно и топло време, а во попладневните часови ќе има услови за ретка појава на краткотраен дожд и грмежи, особено во западните и јужните делови. Температурите нема многу да се менуваат, а ветерот ќе биде главно северен. /МИА

притисни ентер