ВМРО – ДПМНЕ : Тутунарите не ја забораваат грижата на ВМРО-ДПМНЕ за одгледувањето на тутун и неговиот откуп

СДСМ и министерот за земјоделие Љупчо Николовски се вистинска временска непогода за македонското земјоделие. Дијалогот со земјоделците не постои, ниту министерот ниту неговиот заменик не се појавени помеѓу земјоделците, реагираат од ВмРО _ ДПМНЕ на изјавата на министерот Николовски .
Земјоделците за не цела година ја видоа неспособноста на владата предводена од СДСМ кон земјоделците и не грижа за нивниот труд.
СДСМ пред изборите ветуваше дека цената на оризот која ќе изнесува 25 денари за оризова арпа, а ветувањето пак за откупната цена на белиот ориз беше 50 денари. Денес нема ништо од ова ветување на СДСМ. Цената на оризот во моментов е до два пати помала од таа што ја ветуваа СДСМ. Ова беше уште една лага на СДС само за да добијат глас повеќе на изборите и да седнат во фотелјите. Николовски на оризарите им ветуваше и интервентен откуп, но од тоа нема ни трага ни глас, а во овие моменти е доведена во прашање идната реколта на ориз бидејќи ланската сеуште не е откупена.
Производителите на праски беа оставени на цедило, а над 30 отсто од родот беше уништен поради недостигот на реакција од ресорното министерство. Владата на СДСМ и во тој случај ги измами земјоделците, а ветената помош ја немаше никаде.
Николовски и СДСМ го користеа министерството за земјоделство како средство за пресметка со своите политички неистомисленици. Преку иницијативата за ревизија на договорите за доделување на државно земјоделско земјиште пред изборите, се пресметуваше со земјоделците кои не се под нивна контрола.
За прв после толку години државните субвенции се намалија во однос на претходната година,а пак во однос на предизборните ветувања на СДСМ субвенциите се помали за цели 24 милиони евра во однос на ветените 160 милиони евра.
СДСМ ги измами земјоделците и со ветувањето за зелената нафта, пред да дојдат на власт ветуваа пониски трошоци  за земјоделците за нафта, а сега од позиција на власт ја зголемија нејзината цена за скоро 4 денари.
Николовски повторно манипулира со земјоделците. ВМРО-ДПМНЕ се грижеше за земјоделците преку голем број на мерки и проекти кои беа во насока на подобрување на работата на земјоделците и нивниот труд.
Тутунарите не ја забораваат грижата на ВМРО-ДПМНЕ за одгледувањето на тутун и неговиот откуп. Владата на ВМРО-ДПМНЕ со серија законски измени и со постојана контрола на теренот за да се елиминира манипулацијата со земјоделскиот труд. ВМРО-ДПМНЕ создаде услови за развој на оваа земјоделска гранка, со стимулирање на влез на пазарот на нови компании кои доведоа до поголема конкурентност и сигурен пласман на тутунот. Преку константни исплаќања на субвенции се помагаа тутунарите, се со цел да се повеќе се вреднува нивната работа.
Резултатот на владата на СДСМ во земјоделието е еднаков на нула. Николовски ветуваше дека ќе биле извозно ориентиран, а изминативе 8 месеци министерување на Николовски извозот на земјоделски производи е во слободен пад, реагираат од ВМРО- ДПМНЕ. 

Во Марсеј вооружена група пукала на минувачи

Неколку маскирани напаѓачи  синоќа започнале да пукаат  со „калашников“ во Марсеј, на југот од Франција. Засега со сигурност се знае дека  едно лице е повредено.

Напаѓачите отвориле оган од три возила врз група млади луѓе што се наоѓале во близина на култниот центар „Лабусеран“, јавија локалните медиуми.

Дошло и до размена на оган со припадниците на полицијата, која го блокирала тој дел од градот.

Нема информации за уапсени, а на местото на пукањето се наоѓаат пожарникари и екипи на брзата помош.

Се верува дека нападот не бил од терористички карактер.

Денеска пресуда за случајот на СЈО „Триста“

Денеска ќе биде изречена пресудата за случајот на Специјалното обвинителство под име триста во кој обвинет е поранешниот помошник министер во МВР Ѓоко Поповски.

Тој се товари за злоупотреба на службената положба при набавката на 300 возила во МВР. Во завршните зборови, СЈО побара осудителна пресуда, а МВР надомест на штета во висина од 450 илјади евра.

Поповски, пак, рече дека е невин но и дека изминатиот период се соочил со низа закани и притисоци без да прецизира од кого. Предметот го води судијката Добрила Кацарска.

Дескоска во правда, Арбр Адеми во образование, Алаѓозоски заминува од култура

Премиерот Зоран Заев утрово до собранието треба да го испрати предлогот за реконструкција на владата.

Според најавите, Рената Тренеска Дескоска од министер за образование од СДСМ оди во министерството за правда, а во образование Арбр Адеми, сегашен заменик министер за образование од ДУИ.

Роберт Алаѓозовски, заминува од министер за култура. На негово место треба да седне Асаф Адеми, кадар на движењето БЕСА од крилото на Африм Гаши, кој беше кандидат за градоначалник на БЕСА за Гостивар.

притисни ентер