Николовски: Наскоро исплата на штетите од пролетните мразови во 2016. И 2017 година

Министерството за земјоделство, шумарство и водостопанство успеа да го одблокира процесот за исплата на штетите настанати од пролетните мразови во 2016-та и 2017 година и наскоро треба да почне исплатата на барањата за штета, најави денеска ресорниот министер Љупчо Николовски.

Нагласи дека постапките за 2016 година беа започнати од претходната влада, односно од општините кои беа водени од градоначалниците во претходниот мандат и тоа врз база на погрешен закон, не по Законот за земјоделство и рурален развој, туку по Законот за заштита и спасување.

-Предложивме акциски план до Владата со кој ги преземаме овие предмети и ги водиме по Законот за земјоделство и рурален развој и тие се веќе во процедура и во мометов се прават проценките од страна на Бирото за судски вештачења. Понатаму ќе бидат процесуирани во Платежната агенција, рече Николовски во одговор на новинарско прашање на денешната предс-конференција во Владата.

За постапките за штетите кои се случија од пролетниот мраз во април 2017 година посочи дека до крајот на септември се завршени проценките и обработката на барањата кои ги правеа подрачните единици на Министерството, а потоа 15.800-те предмети беа предадени на Бирото за судски вештачења.

-Со оглед на фактот што станува збор за мал капацитет на проценители со кои располага Бирото и огромна бројка на предмети, Владата на неколку пати беше инвформирана за прогресот. Го обновивме договорот и се ангажираа надворешни проценители со цел проценките да бидат направени во најбрз можен рок. Пред седум до 10 дена од Бирото бевме информирани дека се комплетирани сите проценки за општините каде беа констатирани штетите од пролетните мразови, појасни Николовски.

По преземањето на предметите од Бирото, додаде, МЗШВ изработи информација за која се очекува мислење од надлежните институции по што ќе се најде на генерален колегиум на Влада. Потоа постапката ќе оди во Комисијата за економски сиситем и во најбрз можен рок Владата ќе треба да одлучи за процентот за исплата на штетите од пролетните мразови по што МЗШВ ќе ги препрати сите предмети до Агенцијата за финасиската поддршка на земјоделството и руралниот развој за да бидат исплатени.

- Побарав и добив мислење од Министерството за финасии во однос на средствата за исплата на овие штети и ми беше посочено дека исплатата ќе се врши или по однос на програмите на Платежната агенција или од резервите со кои располага државата, потенцира Николовски.

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

притисни ентер