Тивко и без вообичаената изборна еуфориј беше синоќа во изборниот штаб на претседателскиот кандидат од СДСМ, Стево Пендаровски. За разлика од минатото, овојпат најбројни во салата на хотелот „Александар Палас“, беа новинарските екипи, домашни и регионални, како и малкумина поддржувачи кои ги чекаа изборните резултати од првиот круг на претседателските избори.

Пендаровски и Ковачевски излегоа на засебни прес-конференции на кои и двајцата не го криеја разочарувањето. Прв се обрати актуелниот претседател, за кого иако резултатот бил далеку од очекуваниот, порача дека нема да се предаде. Најави дека од денеска почнува од нула, со средби со граѓаните, за да го промовира концептот во кој верува, а тоа е напредна, просперитена и европска Македонија. Пендаровски беше дециден дека нема да бара никаков договор со ниту еден политички субјект или со кандидат од оние кои не продолжуваат во вториот круг за, како што рече, механичко префрлање на гласовите.

„Граѓаните не сум ги подразбирал како колективна група или аморфна маса која некој ќе им каже да ги префрлаат или да не ги префрлаат гласовите. Ќе одбијам каков било обид за нудење на квантум или контингент на гласови. Тоа е понижување на граѓаните. Тие се засебни политички единки. Но, имаат и свое јас. Имаат свој образ. Не можам да ги поимам тие категории, во смисла овој ќе ми понуди 30 илјади гласови, а од овој ќе побарам 50 илјади гласови. Туѓо ми е. И 2014 и 2019 година не го правев тоа. Граѓаните кои гласаа за мене не беа натерани од никого, туку веруваат во концептот кој го нудам, изјави Пендаровски.

За лидерот на СДСМ, Димитар Ковачевски резултатите од првиот круг се јасна порака дека казната од граѓаните стигнала. Како што кажа, поразот го прифаќаат, но од борбата не се откажуваат. Лична одговорност за лошите резултати вели чувствува и не бега од неа, а дали ќе поднесе оставка ќе зависи од партиските органи и исходот од изборите на 8-ми мај.

„Јас сум човек кој никогаш не бегал од одговорност. Ова е само прв круг, во вториот круг очекуваме подобри резултати. Што ќе се случува после избори, одлучуваат партиските органи. Имаме втор круг од претседателски избори и парламентарни избори пред нас. По тие резултати ќе се разговара на Конгресот на партијата. Ова прашање ќе ми го поставите после две недели, а може и нема да мора да ми го поставите… Ако може некој да биде одговорен, иако 2 години од седум бев претседател на Владата и на партијата истовремено, во оваа сала, тогаш единствено јас можам да бидам одговорен, никој друг, порача Ковачевски.

Инаку, ова е првпат во историјата претседателскот кандидат на СДСМ во првиот круг да освои помалку од 200 илјади гласови. Досега, најслаб резултат социјалдемократите имаа во првиот круг од претседателските избори во 2009 година, кога тогашниот кандидат Љубомир Фрчкоски освои 202.000 гласа, а најмногу гласови во прв круг има освоено Киро Глигоров во 1994 година, повеќе од 715.000 гласови. Пендаровски на претходните претседателски избори во 2019-та освои 322.000 гласови во првиот круг, а во вториот 435.000.

Во Турција јадењето и пиењето во ресторан, кафуле или сличен објект за многумина стана невозможно, а за некои луксуз.

Како што е наведено, речиси секој оброк, од појадок до вечера, се нуди на продажба по високи цени. Покрај тоа, како што растат цените, порциите стануваат сѐ помали.

Така, многумина одлучија да ги бојкотираат овие високи цени за време на викендот, а движењето се разви на социјалните мрежи. Движењето за бојкот, кое рапидно растеше, доби поддршка од познати имиња.

Економистот Ирис Цибре, која исто така повика на бојкот во јануари, вчера го повтори нејзиниот повик:

- Со одлука на мнозинството, за време на викендот нема да одиме во кафулиња и ресторани. Ги повикуваме сите да се придружат во запирање на опортунизмот.

Екипите на Министерството извршиле инспекциски надзори на работни места каде што се нудат услуги за храна и пијалоци како ресторани, кафеани, кафулиња и слаткарници низ државата. При увидот се испитувало дали ценовниците се поставени пред влезната врата, предметните работни места и на масите на кои се врши сервисот, на начин што е лесно видлив и читлив за потрошувачите.

Во овој контекст, заменик-директорот за трговија на провинцијата Анкара, Елиф Тан и нејзиниот тим извршиле увид во работните места кои обезбедуваат услуги за храна и пијалоци во округот Чанкаја.

Кафулињата и рестораните се на прво место меѓу местата каде што граѓаните одат да поминуваат време со пријателите и семејството во секојдневниот живот. Луѓето кои сакаат да јадат на местата каде што одат велат дека ги вознемирува фактот што цените на менијата во последно време се зголемени.

Според ТРТ њуз, за ​​ова прашање било разговарано и во Големото национално собрание на Турција. Тема на дневен ред била зголемувањето на казните изречени поради поскапувања во кафулињата и рестораните. Се очекува да бидат изречени високи казни за компаниите кои наплаќаат цени за храна и пијалоци кои се доволно високи за да предизвикаат страдање на граѓаните, пренесува Хаберанкара.

Парижаните со вчерашниот успех против тимот на Лориен со 4:1 ја продолжија низата без пораз на гостински терен на 22 последователни натпревари, што до сега не го направила ниту една екипа во тамошниот шампионат.

Пари Сен Жермен последен пат загуби на гостински терен на 11 февруари 2023 година во натпреварот од 23. коло на Лига 1 минатата сезона, кога беа поразени со 1:3 од Монако. Претходниот подвиг му припадна на Лион, кој беше непоразен на гостувањата од март 2005 до април 2006 година.

Големата ѕвезда на тимот, Килијан Мбапе, исто така се запиша и асистираше во мечот против Лориен, со што се искачи на 43 гола во сезоната и го подобри својот личен максимум во однос на постигнувањето голови во една сезона.

Парижаните во моментов имаат 11 бода предност пред второпласираниот Монако, а доколку победат на претстојниот меч против тимот од Ле Авр на 27 април (сабота) ќе ја обезбедат и титулата. /МИА