Променливо облачно, на планините снег

Времето претпладне ќе биде променливо облачно со сончеви периоди. Во западните делови ќе биде облачно со врнежи од дожд, а на повисоките планини снег. Попладне врнежите ќе се интензивираат и ќе се прошират насекаде. Пообилни врнежи ќе има во западните подрачја каде локално се очекува да наврнат над 30 литри на метар квадратен. Ќе дува засилен југозападен ветер, над 70 километри на час, а на планините и над 100 километри на час.
Максималната температура ќе биде висока, во интервал од 8 до 16 степени. Поради брз продор на студена воздушна маса проследен со засилен северен ветер, во вечерните и ноќните часови врнежите ќе преминуваат во снег и на некои пониски места, особено во северните и западните подрачја. На планините, претежно на запад, ќе има значително зголемување на снежната покривка, локално и над 30 сантиметри, а ќе има и појава на снежни наноси.

Во Скопје слично време, променливо облачно, попладне и во вечерните часови ќе има повремен дожд. Преку денот ќе дува умерен ветер од југозападен првец, а кон крајот на денот ќе го промени правецот во северозападен. Во текот на ноќта и во повисоките делови од Скопската котлина е можно врнежите да преминуваат во снег. Температурата ќе се движи од два до 12 степени.

Како што соопшти УХМР,  најстудено било во Берово и Штип каде се измерени минус два степени, во Крива Паланка минус еден, нула во Пожаране и Гевгелија. Најтопло било во Охрид со шест степени.

До седум часот највисока снежна покривка од пет сантиметри има во Маврово и Крушево, а четири во Лазарополе.

Во изминатите 24 часа, односно до 7 часот, најмногу дожд наврнало во Охрид, 10 литри на метар квадратен, во Маврово седум, а во Лазарополе шест литри на метар квадратен.

Во наредните два дена ќе биде стабилно и суво. Утре ќе биде постудено со засилен северозападен ветер, а дневните температури значително ќе опаднат и ќе бидат во интервал од еден до 8 степени. В петок под влијание на југозападно струење дневните температури ќе бидат повисоки. Нови врнежи се очекуваат од сабота попладне. /МИА

Пенс: Судбината на Либија е суровата реалност која го чека Пјонгјанг

Американскиот потпретседател Мајк Пенс ја предупреди Северна Кореја дека би можела да ја искуси судбината на Либија, доколку не биде постигнат договор за севернокорејската нуклеарна програма.

„Овие денови имаше многу разговори за кризата во Либија. Во тој контекст, како што и американскиот претседател Доналд Трамп јасно изјави, Северна Кореја би можела да заврши исто како Либија, доколку Ким Јонг Ун не се согласи на договор“ – изјави Пенс во интервју за „Фокс њуз“.

На прашањето дали е тоа закана кон севернокорејскиот режим, Пенс изјавил дека тоа е и “многу повеќе од суровата реалност која го очекува Пјонгјанг“.

Советникот за национална безбедност во Белата куќа, Џон Болтон минатата недела изјави дека Вашингтон не сака да го повтори сценариото од Либија, кога поранешниот американски претседател Џорџ Буш потпиша договор за нуклеарната програма на Либија во 2003 година, а подоцна со интервенција беше срушен режимот на Муамер Гадафи.

Актуелниот претседател на САД, Трамп изјави дека не сака либискиот модел да го примени во Северна Кореја, но дека за тоа би можело да се расправа доколку не биде постигнат договор.

Властите на Северна Кореја негодувале после изјавите на Болтон и Трамп, а последните изјави на Пенс би можеле додатно да предизвикаат реакции од Пјонгјанг.

Трамп би требало на 12 јуни да се состане со севернокорејскиот лидер Ким Јонг Ун во Сенегал.

Се продлабочуваат недоразбирањата меѓу Техеран и Вашингтон

Иранскиот претседател Хасан Рохани  потврди дека Техеран не прифаќа соединетите американски држави да носат одлуки за него.

Неговата реакција следи  откако американскиот државен секретар Мајк Помпео постави услови до Иран и објави построги санкции врз таа земја. „светот денес не прифаќа сад да решаваат за него.

Земјите имаат своја независност“, рече Рохани, прашувајќи: „кои сте вие да решавате за Иран и за светот?“.

Помпео претходно информира  дека Вашингтон ќе воведе најстроги санкции во историјата и оти тие ќе стануваат се потешки се додека иранскиот режим не го „смени курсот“. Пред две недели американскиот претседател Доналд Трамп изјави дека Вашингтон се повлекува од нуклеарната спогодба со Иран.

Во Марсеј вооружена група пукала на минувачи

Неколку маскирани напаѓачи  синоќа започнале да пукаат  со „калашников“ во Марсеј, на југот од Франција. Засега со сигурност се знае дека  едно лице е повредено.

Напаѓачите отвориле оган од три возила врз група млади луѓе што се наоѓале во близина на култниот центар „Лабусеран“, јавија локалните медиуми.

Дошло и до размена на оган со припадниците на полицијата, која го блокирала тој дел од градот.

Нема информации за уапсени, а на местото на пукањето се наоѓаат пожарникари и екипи на брзата помош.

Се верува дека нападот не бил од терористички карактер.

притисни ентер