Апаратите во штипската болница не се сервисирале навремено

Не навременото сервисирање од претходниот менаџерски тим на штипската Клиничка болница е една од главните причини за честото мирување на виталните и скапи медицински апарати, тврди директорот д-р Ален Георгиев.
 Во моментов надвор од употреба се Компјутерскиот томограф и апаратот за факометода наменет за лекување на очни болести.

Бидејќи не биле навремено сервисирани, апаратот за Магнетна резонанса, кој го сервисиравме, дензитометарот, апаратот за анестезија како и УБС батеријата, сето тоа не чинеше повеќе од 80 илјади евра објасни д-р Ален Георгиев – директор на Клиничка болница –Штип.

Втор горлив проблем со кој се соочил актуелниот менаџерски тим бил погрешно поставената процедура за поправка на апаратите. Откако апаратот ќе се расипел, потем се распишувал тендер за негова поправка.

- Сега се ќе биде обратно. Секој апарат што ќе биде расипан сервисерот ќе дојде и веднаш ќе започне со вградување на делот и сметам дека времето ќе биде многу пократко за апаратите кои ќе се расипат да бидат вон функција, изјави д-р Георгиев.

Сепак, акцентира д-р Георгиев, итните случаи не ги оставаат проблемот да го решаваат сами.
-  Оние итни пациенти кои што ќе дојдат, секако доколку има потреба ние ќе ги транспортираме до оние здравствени институции каде ќе им биде дадена соодветна медицинска нега, дополни д-р Георгиев.
Инаку, штипската Клиничка болница опслужува над 200.000 граѓани од 11 0општини од овој дел на македонскиот Исток


Утре сончево со мала до умерена облачност

Утре претпладне се очекува да биде сончево со мала до умерена облачност.

Попладне, претежно во југозападните делови ќе има локална појава на краткотраен пороен дожд и ретки грмежи.

УВ=8 Т-мин. од 11 до 20 а т-макс. 25 до 32 степени.

Во Скопско утре претпладне се очекува да биде сончево со мала до умерена облачност.

Попладне, ќе има услови за изолирана појава на краткотраен пороен дожд и ретки грмежи.

Температурата од 17 до 29 степени.

Пејачот дошол на Мундијалот во Русија, па го ограбиле

Колумбискиот пејач Хуан Луис Лондоњо бил ограбен во московскиот хотел „Four seasons” и тврди дека непознати сторители му го однеле накитот и луксузните предмети во вредност од 787.000 долари.

Пејачот, познат под естрадното име Малума, отседнал во тој хотел во текот на Светското првенство во фудбал.

„Колумбискиот државјанин Хуан Луис Лондоњо поднел пријава во полицијата поради грабеж кој се случил во неговиот апартман во хотелот „Four seasons” во Москва“ – изјавил полицискиот извор за „ТАСС“.

Меѓу украдените предмети се и ракавиците од марката „Картие“, неколку часовници од марката „Ролекс“, Ибло (Hublot), „Патек Филип“, „Одмар Пије“, како и ранец и чанта од марката „Луј Витон“.

Според извори од полицијата, непознато лице се претставило како гостин на пејачот и добило дупликат од електронски клуч. Крадецот после кражбата побегнал.

Руската полицијата започнала кривична истрага за кражбата.

Заев во „Само Вистина“ ако треба и импичмент ќе покренеме за Иванов нема да дозволиме никој да ја кочи Европската иднина на Македонија

Има желба за окрупнување на парламентарното мнозинство и тоа ќе го направиме исклучиво за импичмент на претседателот ако мораме, рече Претседателот на Владата Зоран Заев во вечерашното издание на ,,Само Вистина“. 

Јас сум претседател на извршната власт која работи чесно, отчетно и транспарентно, не се заканувам само кажувам дека ако некој ја кочи можноста граѓаните да се изјаснат и таа одлука апсолутно мора сите да ја почитуваме до крај. 27 години независна Македонија , заврши времето на пренемагање ,лажење и лични калкулантства. Јас повикав да ја поддржиме европска Македонија. Ние сме тука и да слушаме и да спроведуваме , граѓаните ќе имаат шанса да одлучат секој оној што ќе се обиде ттоа да го спречи ќе направам се да ја отстранам блокадата.

Право на граѓаните е да дојдат до конечно право со сите информации на маса да одлучат да се изјаснат, независно што набрзо се и претседателските избори, рече Заев. Заев во вечерашното издание за прв пат открти детали дека претходниот Премиер Груевски, прифатил Република Горна Македонија и Република Северна Македонија и дека не треба сега некој да изиграва и да ја залажува јавноста. Премиерот говореше во детали за тоа што значи договорот и повика сите граѓани внимателно да го прочитаат и да ја донесат правилната одлука.

Погледнете ја најновата емисија „Само вистина“ овде.

притисни ентер