„Паркирај и вози“ наскоро и во Скопје

„Која иронија. Ако си инвалид, со ниту едно од наведените превозни средства не можеш да стигнеш во вашиот „фамозен град“.
„Проблемот е сериозен и бара сериозни предлози. Под итно е потребно сите крстосници да бидат со кружен тек како возилата не би стоеле долго време во место и сериозно да се размисли за субвенции за нови возила со стандарди кои го намалуваат загадувањето.“
„Во духот на екологијата - Велосипеди вие ќе давате или да си донесеме?“

Ова се само дел од бурните реакции на граѓаните на социјалните мрежи за проектот „Паркирај и вози“ кој неодамна го најави градоначалникот Шилегов. Со овој проект е предвиден бесплатен паркинг на влезовите во Скопје на кои граѓаните ќе можат да ги остават своите возила, а до посакуваната дестинација да се користи воз, автобус или велосипед.

Шилегов демантира каква било забрана за влез на други возила во главниот град. Вели, се работи за концепт со две намени – стимулирање на користењето на јавен превоз и расчистување на сообраќајниот метеж во централното подрајче, со што би се намалило и загадувањето како последица на транспортот.

„Тоа е цел концепт којшто сметаме дека доколку биде понуден на сограѓаните ќе го користат. Досега никој го нема понудено. За нив ќе биде и многу поевтино бидејќи во една цена ќе имаат и паркирање на возилото и користење на јавниот градски превоз за да се завршат обврските поради кои се дојдени во Скопје и да се вратат од онаму каде што доаѓаат. Не предвидуваме забрана за влез на возила во Скопје.“

Градските власти се повикуваат на успешноста на овој систем во многу светски метрополи кој дава одлични резултати. Шилегов потенцираше дека на овој проект треба да се гледа како на системско решавање на концептот на градскиот јавен превоз и подобрување на неговиот квалитет.

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

Вечерва „Млади за Македонија“ ќе протестираат против договорот со Грција

Вечерва е закажан протестен собир против договорот Грција, во организација на иницијативата „Млади за Македонија“.

Погледнете го целосниот извештај на нашата колешка Тамара Стојкова која е пред Собранието на Р:М. :

„Ербас“ ќе ја напушти Британија доколку не се постигне договор со ЕУ

Европскиот производител на авиони „Ербас“ предупреди дека ќе ги повлече инвестициите од Велика Британија, бидејќи стравува дека британската Влада може да ја напушти ЕУ, без да постигне договор за преодниот период по Брегзит.

Компанијата соопшти дека ги проценила ризиците поврзани со Брегзит.

Доколку земјата ги напушти „истовремено заедничкиот пазар и царинската унија, без преоден договор“, тоа ќе предизвика големи проблеми во нејзиното производство во Велика Британија и загуби од милијарди долари.

– Таквите сценарија ќе го принудат „Ербас“ да ги преразгледа инвестициите во Британија и својата долгорочна позиција во земјата, предупреди „Ербас“.

Компанијата има 25 објекти во Британија, каде произведува авионски крила. Во неа се вработени 14.000 лица на островот и уште 100.000 во нејзините филијали.

Велика Британија треба официјално да излезе од ЕУ на 28 март 2019 година.

притисни ентер