Шоу биз

Француската филмска дива Денев со контроверзна изјава: Мажите имаат право да се додворуваат

Француската актерка Кетрин Денев застана во одбрана на мажите и вели дека тие слободно можат да им се додворуваат на жените.

Таа е една од 100-те познати Французинки кои напишаа отворено писмо предупредувајќи за новото пуританство предизвикано од неодамнешните скандали за сексуално вознемирување во Холивуд.

Во писмото се осудува бранот тврдења дека американскиот филмски магнат Харви Вајнштајн силувал или сексуално нападнал десетици жени.

Вајнштајн ги негираше сите обвинувања за неконсензуален секс. Сепак, тој призна дека неговото однесување предизвикало голема болка.

Писмото на француски писатели, изведувачи и академици вчера беше објавено во францускиот весник „Ле Монд“.

„Мажите се казнети од плата, истерани од работните места, и тоа само зашто допреле нечие колено или се обиделе да украдат нечиј бакнеж”, се вели во писмото.

„Силувањето е криминал, но да се обидеш да заведеш некого, дури и упорно или невешто, не е криминал“, се додава во писмото.

Авторите тврдат дека во светот имало нов пуританизам. Тие велат дека иако е легитимно и неопходно да се зборува против злоупотребата на власта од страна на некои мажи, сепак, постојаните јавни осудувања излегоа надвор од контрола.

Според писателите, ова создава јавно расположение во кое жените се гледаат како немоќни, како вечни жртви.

„Како што ние не се препознаваме себеси во овој феминизам, кој, освен што ја осудува злоупотребата на власта, презема омраза кон мажите и сексуалноста”.

Денев (74) неодамна зборуваше отворено против кампањи за социјални медиуми, кои, како што вели, ги засрамиле мажите обвинети за малтретирање жени.

Денев е актерка номинирана за Оскар во повеќе од 100 филмови, а нејзиното деби беше во 1957 година.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.