Сепак, таа предизвика најмногу критики и осуда на социјалните мрежи.
Овој пат, иако во својот препознатлив манир, Бланка успеа да шокира и да не биде во тоа единствена.
Иако и покрај молбите на “женското холивудско движење во црно“ се прошета во црвен фустан, сепак беше единствената со ваква провокативна модна облека, која овој пат не беше неопходна.
Ваквото нејзино појавување без долна облека, со длабок шлиц во црвен фустан, не наиде на разбирање од публиката и присутните холивудски ѕвезди кои очекуваа солидарност околу идејата јавно да се зборува за проблемот со злоставувањето и сексуалното вознемирување во филмската индустрија.
Така релативно непозната по улогите, а препознатлива по стајлингот, актерката очигледно сакаше да ги искористи “своите пет минути“.
Се појави во друштво на долгогодишниот партнер Џон Севиџ (68) и не обрнуваше многу внимание на критиките и негативните коментари.