Детски бадникови поворки во пресрет на Божиќ

7.000 дечиња од сите возрасти ја сочинуваат најголемата коледарска дружина во Македонија.
Во манифестацијата Бадникови поворки дечињата поминувајќи  низ улиците на сите градови во државата пристигнаа пред Соборниот храм. Иницијативата за возобновување на старата православна традиција да се слави Бадник со пеење на Вечниот Бог  потекна од свештенството на МПЦ-ОА.

Бадникарчиња од повеќе скопски општини Ѓорче Петров, Карпош, Центар, Кисела Вода и Гази Баба, соединувајќи се во поворката дојдоа пред соборниот храм Св. Климент Охридски во Скопје.

Годинава и македонската естрада учествува во реализацијата на Бадниковите  поворки, за како што велат - промовирање на вистинските вредности пред своите фанови.

Во пресрет на големиот христијански празник, дечиња го посетија и домот на претседателот  Ѓорге Иванов и преку  Божикна литија со песната Вечниот Бог го најавија Христовото раѓање.

  Низ улиците на сите градови во Македонија по вторпат се одржува  манифестацијата Бадникови поворки како дел од прославата на Бадник и Божик.

Полицијата ќе едуцира за „Лето без пожари“

Одделението за превенција при Секторот за внатрешни работи Скопје од денеска почнува со кампања и превентивни активности за реализација на проектот „Лето без пожари“.

Активностите ќе почнат напладне на паркингот кај „Свети Пантелејмон“ - Горно Нерези, на падините на Водно и ќе се реализираат на тој начин што полициски службеници по случаен избор ќе сопираат патнички моторни возила и на возачите ќе им укажуваат за ризиците од појава на пожар и штетите од евентуалната појава на истиот.

Од МВР информираат дека активностите ќе продолжат во текот на летниот период со превентивно делување со цел намалување на пожарите предизвикани од невнимание од страна на граѓаните, преку подигање на свеста во однос на заштита и зачувување на зелените површини, како и подобрување на личната и севкупната безбедност на граѓаните. /МИА

Масовна средба на лица со телесен инвалидитет

Седма масовна средба на лица со телесен инвалидитет ќе се одржи денеска во дворот на Центарот за ортотика и протетика „Славеј“ во Скопје, во организација на Националниот сојуз на лица со телесен инвалидитет на Македонија – Мобилност Македонија.

Се очекува на средбата да бидат присутни повеќе од 300 лица со телесен инвалидитет од целата држава.

Масовната средба се организира под мотото „Сплотени, достоинствени и силни“. Под тема на средбата се активностите за измена и дополнување на Правилникот за индикации за остварување на право на ортопедски и други помагала.

Главен покровител на „Масовната средба 2018“ е Центарот за ортотика и протетика „Славеј“, кој ќе го обезбеди и организира просторот во нивниот двор, заедно со тематските и забавните содржини. Град Скопје го обезбедува автобускиот превоз на учесниците од внатрешноста на Македонија, а Мобилност Македонија од средствата од Министерството за труд и социјална политика за спроведување на програмските активности за 2018 година го обезбедува превозот со автомобили и комбиња за лица кои не можат да користат автобуски превоз или немаат организиран автобуски превоз. /МИА

Почнува реконструкцијата на планинарскиот дом на Водно

На врвот на Водно денеска ќе почне реконструкцијата на планинарскиот дом, информираат од Град Скопје.

На настанот ќе присуствува скопскиот градоначалник Петре Шилегов. /МИА

притисни ентер