Култура

Гијом Мисо повторно најпродаван онлајн автор во Македонија

Гијом Мисо е најпродаван автор во 2017 година, според топ 20 листата на најпродавани книги што ја објави онлајн-книжарницата КупиКнига.мк.

Таа соопшти дека трета година по ред книгите на овој француски писател им се најпродавани.

За минатата 2017 година првото место на Мисо му припадна за книгата „Девојката од Бруклин“.

На второ место меѓу најпродаваните е книгата „Светското зло и беда -наследството на 13 династии на илуминатите“ од авторот Робин де Рајтер, а на третото место повторно е Гијом Мисо со делото „Апартман во Париз“.

Само четворица македонски автори се на оваа листа - Венко Андоновски, Александар Алексов, Коста Петров и Олга Синадиновска.

По трите наведени наслови, следни на листата топ 20 на КупиКнига.мк се:

4. „1984“ - Џорџ Орвел

5. „Буквар: читаме и пишуваме латиница“ - Венко Андоновски, Олга Синадиновска

6. „Запишано во ѕвездите“ - Паринуш Сание

7. „Тајна задача: љубов“ - Џули Џејмс

8. „Т.е. љ.у.б.а.м. - тоа е вистината“ - Александар Алексов

9. „Никој не рече дека ќе биде лесно“ - Коста Петров

10. „Ако не постои утре“ - Гијом Мисо

11. „Десет илјади љубовници“ - Едит Равел

12. „Гордост и предрасуда“ - Џејн Остин

13. „Во еден момент“ – Гијом Мисо

14. „Станарката на замокот Вајлдфел“ - Ен Бронте

15. „Те нема никаде“ - Јелена Бачиќ Алимпиќ

16. „Ноќ и ден“ - Вирџинија Вулф

17. „Дигитална тврдина“ - Ден Браун

18. „Пакет книги“ - Џозеф Марфи

19. „Менсфилд парк“ - Џејн Остин

20. „Бегалка: Исчезнатата Албертина“ - Марсел Пруст

КупиКнига.мк е прв македонски портал за електронска трговија со книги кој е, всушност, агрегатор на понудата од речиси сите издавачки куќи во Македонија и регионот.

Во моментов во понудата на КупиКнига.мк се повеќе од 54.000 изданија на македонски, српски, англиски и на албански јазик од најразлични жанрови. /МИА

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер