Средба Груби - Вајгл во Европскиот парламент

Известителот за Македонија во ЕП Иво Вајгл на средбата со претседателот на собраниската Комисија за европски прашања Артан Груби, во врска со подготовката на годишната Резолуција за напредокот на Македонија, во Комисијата за надворешна политика (АФЕТ) истакнал дека ќе биде афирмативен, но дека е потребен и политички, граѓански и етнички консензус за заедничко делување во спроведувањето на ЕУ реформите.
 
Според соопштението од Комисијата за европски прашања, како приоритетни Вајгл ги посочил судските реформи и реформите од корпусот на владеењето на правото.

Со средбата со европратеникот Вајгл, пратеникот Груби на заврши посетата на Брисел. Во соопштението се информира дека тројката европратеници, како што стои, ја прифатиле поканата на Груби да учествуваат на регионалната конференција организирана од Комисијата за европски прашања на Собранието на Република Македонија во февруари следната година.

На средбите Груби истакнал дека Македонија ја цени досегашната поддршка на ЕУ на политички и на економски план, но во духот на новите позитивни процеси кои најавуваат оптимистични прогнози за забрзана интеграција на земјите од регионот, побара да се валоризираат напорите на Скопје за реализирање на бараните реформи со тргнување на условената препорака и добивање на датум за преговори за прием во ЕУ.

- Парламентарното мнозинство, но и граѓаните на Македонија, со посветеност работат на исполнување на очекувањата од Брисел, и очекуваме дека и пријателите од Европската унија догодина ќе испорачаат во согласност со нашите стремежи, рекол Груби, стои во соопштението. 

Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер