Македонија

Арсовски: Разговорите во Брисел обид за „опипување на пулсот“

Амбасадорот Љупчо Арсовски, кој беше прв дипломатски претставник на Македонија во Грција, во интервју за МИА вели дека не очекува на разговорите за името закажани за в понеделник во Брисел медијаторот Метју Нимиц да излезе со конкретен предлог.

- Мислам дека е прерано или премногу сугестивно и амбициозно, дека Нимиц ќе изнесе конкретен предлог кој ќе биде веднаш соопштен. Повеќе размислувам за одредени разговори во насока „да се почувствува пулсот“. Климата и во двете земји на внатрешен план не соодветствува за пријатен простор за соопштување на одредени предлози кои би биле веднаш нападнати од „дежурните патриоти“ кои ги има во двете земји, смета амбасадорот Арсовски.
Зголемениот интерес на Западот за затворање на прашањето на името со потреба за поголема подготвеност да се изврши притисок врз власта во Атина, амбасадорот Арсовски го поврзува со одредени безбедносни прашања врзани за овој регион имајќи ја предвид „големата слика“.
- Но, треба да знаеме дека Грција нема така лесно да се повлече од своите позиции кои ги освоила на овој или оној начин. Ќе бара одредени сигурни станици во тој процес на нашиот пат кон НАТО, пред се, а потоа и кон ЕУ, што ќе значат гаранции за нејзините позиции кои ќе бидат прикажани како наводно нејзина добра волја, навидум „нежно“ повлекување, се во функција на нашот прием во НАТО. Но, потоа ќе следат секако и други нејзини услови врзано за изборот на компромисот, оценува македонскиот дипломат.
Најавите од македонска страна во насока на релаксација на односите и градење доверба за преименување на аеродромот во Скопје, отстранување на споменици и ревизија на учебниците по историја, според искусниот дипломат не треба да бидат направени како гест на добра волја, туку во вистински момент.
- Своевремено и Оливер Стоун сними филм за Алксандар Велики и не ги праша Грците ниту бараше одобрение за неговото сценарио. Имаше тогаш многу критики, но и тоа стивна и тоа е природно, сепак се тоа уметнички дела, вакви или онакви... Во Скопје, на пример, живеел многу години и Гркот Зорбас, кој е починат и неговиот гроб се наоѓа на Градските гробишта во Бутел. Без оглед на тоа што најпознатиот грчки пистаел Казанзакис ја смести неговата смрт на островот Крит, и така, за жал, како погрешно информирани веруват мнозинството Грци, тој момент може да спојува и потстетува како пример за некогаш отворен простор во овој убав регион, вели Арсовски.
Тој се согласува дека на грчка страна постојат одредени позитивни движења околу употреба на зборот Македонија, но, проблемот останува со оглед дека опстојуваат на ставот за име со географска одредница за севкупна употреба.
Смета дека после 10 години од „чудесната изведба“ со заклучокот на НАТО во Букурешт, треба да се очекува некое решение за наш прием во НАТО на идниот Самит 2018 што е предвидено во Времената Спогодба.
Доколку овој обид заврши неуспешно важно е која страна за тоа ќе биде обвинета, како и дека треба да размислуваме и за некои други потези, сугерира амбасадорот Љупчо Арсовски во интервју за МИА кое ќе биде објавено утре.

Свет

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.

Живот

Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Свет

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.