Според тајните документи на ФБИ вистинскиот Тито исчезнал во 1937 година – Југославија ја водел руски генерал?!

Маријан Џон Маркул, на 20 април 1955 година во седиштето на ФБИ во Лос Анџелес ја раскажал приказната дека човекот кој што се претставувал како Јосип Броз Тито всушност не е Тито, туку руски агент кој што го презел неговиот идентитет, откако вистинскиот Јосип Броз исчезнал во Русија во 1937 година.
Тајните документи на ФБИ од педесеттите од неодамна се достапни за јавноста и се јавно објавени.

Во извештајот на Маријан Маркул стои дека не е сигурно колку овие информации се точни, но се наведува дека тој е социјалист и дека сака да понуди информации кои би биле важни за САД.

Во документот од состанокот на агентите од ФБИ со Маркул стои дека тој ја посетил Југославија во 1953 година и во два наврати се сретнал со Тито.

Првиот состанок траел околу 1 час и во таа прилика забележал дека маршалот Тито има по пет прсти на секоја рака, а Маркул тврдел дека вистинскиот Тито ги загубил показалецот и средниот прст на левата рака.

Според него човекот кој се претставувал како Тито во 1953 година бил образован и одлично свирел клавир, а од друга страна вистинскиот Тито бил необразован и колку што му било познато на Маркул не знаел да свири клавир.

Меѓу останатото, Маркул тврди дека Јосип Броз бил висок околу 180 сантиметри, додека „лажниот“ Тито бил висок само 160 сантиметри.

Според Маркул, човекот кој што се претставувал како Тито зборувал со руски акцент и смирено, додека вистинскиот Тито зборувал остро.
Маркул додал дека Тито често се разболувал и имал туберкулоза и исчезнал во Русија во 1937 година.

Во извештајот додал дека на крајот на дваесеттите години на минатиот век, разговарал со вистинскиот Тито во Југославија, а се сретнал со него и во Париз во 1935 и во 1936 година и додал дека е цврсто убеден во неговиот идентитет.

По приемот кај Маршалот во 1953 година, Маријан ја посетил неговата сестра, која што била мажена во Загреб и со неа разговарале за тоа дали Тито е „вистинскиот“, по што и двајцата се согласиле дека не е.

Неговата сестра изјавила дека таа и нејзиниот маж веруваат оти Тито кој што ја води Југославија е измамник. Нејзиниот сопруг, извесен Борис Гориќ потврдил дека и тој не е сигурен во идентитетот на Тито и оти за тоа се шпекулира низ целата држава.

Во извештајот се наведува дека сестрата на Маркул и нејзиниот сопруг започнале да се сомневаат во неговиот идентитет уште во 1937 година кога на радио забележале дека Тито зборува со друг акцент.

Маркул тврди дека и неговиот татко Иван го познавал вистинскиот Тито и дека и тој не верувал во идентитетот на Маршалот.

Иван Маркул и Јосип Броз заедно работеле во ист град, а Иван бил уверен дека маршалот во Белград не е истиот Тито, кој  бил секретар на комунистичката партија во Југославија.

Вториот состанок со Тито во 1953 година, Маркул го имал во Загреб.

Овој пат Маријан и неговата сопруга Ингрид, маршалот во потполност ги игнорирал.

По приемот, Маркул разговарал со Александар Ранковиќ, за кој што тврди дека бил најмоќниот човек во Југославија.

Ранковиќ и Маркул наводно заедно биле во затвор кон крајот на дваесеттите години од минатиот век поради синдикално организирање и во тоа време доста се зближиле.

Поради тоа Маркул на Ранковиќ отворено му рекол дека човекот кој се претставува како Тито во соседната соба е лажен.

Според Маркул, Раноквиќ бил главен човек задолжен за безбедноста во Југославија и во меѓусебниот разговор Ранковиќ му рекол да не се преокупира со такви работи и да ужива во престојот во Југославија.

Маркул на агентите на ФБИ им раскажал дека според неговото мислење, југословенските власти во тајност соработувале со Советскиот сојуз.

Тој изразил и уверување дека доколку советските власти посакувале лесно би можеле да го ликвидираат Јосип Броз и додал оти сите негови изјави може да ги потврди извесен Живко Топаловиќ од Франција.

Живко Топаловиќ, како што изјавил Маркул добро го познавал вистинскиот Тито, а југословенските власти го осудиле на 20 години затвор, па поради тоа избегал во Франција.

Топаловиќ верувал дека личноста која што се претставува како Тито е всушност рускиот генерал Николај Лебедев.

Маркул заклучува дека југословенската влада глумела дека не е во добри односи со Советскиот сојуз за да добие помош од САД и оти никогаш не дошло до разидување помеѓу тие две држави.

Тој ги обвинувал југословенските власти за соработка со Советскиот сојуз и рекол дека во рок од четири или пет месеци тоа на сите ќе им стане јасно.

Маркул додал дека поминал неколку години во Русија и  мисли дека има многу руски агенти низ улиците на Југославија.

Во 1930 година отишол во Русија и мислел дека општеството е добро уредено, но бил уапсен бидејќи не ги исполнувал работните обврски, а на американските агенти им раскажал оти избегал три години подоцна преку Сибир.

Федерер со твит го честиташе бодот на Швајцарците

Најдобриот тенисер на светот, Швајцарецот  Роџер Федерер им го честиташе на фудбалерите од националниот тим нерешен резултат против Бразил на Светското фудбалско првенство 2018.

Швајцарија синоќа одигра 1:1 против големиот фаворит и го освои првиот бод на Мундијалот.

-Пристигнав дома на време да го гледам натпреварот Швајцарија – Бразил. Одличен резултат за швајцарски тим. Успех на Бразил на останатите натпревари од турнирот, напиша Федерер на Твитер. 

Турнејата на „спајс грлс“ неизвесна

Враќањето на „Спајс грлс“ на сцена ќе чини 150 милиони фунти. 

Секоја од девојките ќе добије по 30 милиони фунти, доколку Викторија Бекам се согласи на тоа.

Засега Бекам ја отфрли понудата, па турнејата може да пропадне.

Како што пишуваат медиумите, причините со во изборот на менаџерот, но и во успешната кариера на Викторија.

Сепак девојките веруваат дека Викторија ќе се предомисли и дека во септември ќе имаат настап.

Секси соновник: Дознајте што значат вашите еротски сништа

Еве неколку типични секс соништа и кое е нивното значење:

Барање место за секс

Ако сонувате дека со вашиот партнер барате место за секс, тоа значи дека ви недостасува интимност или дека во вашиот сексуален живот постои монотонија. Ако при вашето трагање чувствувате мачнина, тоа значи дека сте загрижени за иднината на врската.

Секс со непозната личност

Ако сонувате дека имате секс со непозната личност, тоа значи дека во животот ви недостасува возбуда. Вашиот ум ви препорачува да се релаксирате и да бидете спонтани.

Секс со забранета личност

Овие соништа најчесто предизвикуваат голема непријатност кога ќе се разбудите, но овие соништа не ви покажуваат дека и во реалноста посакувате да имате секс со таа личност, туку едноставно дека таа личност ве заинтригирала.

Или дека љубовниот живот моментално ви е досаден, па посакувате да воведете нешто возбудливо.

Секс со бившиот/ата

Овие соништа се прилично чести и се резултат на потсвесното споредување на сегашната врска со претходната. Ако сте сингл, тоа значи дека имате некои неразрешени работи со бившиот партнер.

Секс на јавно место

Овој сон има двојно значење. Првото значење е дека потребно ви е пријателите или некој близок од семејството да го одобри вашиот партнер. Второто значење е дека потајно посакувате и вие да имате некој од квалитетите и способностите на партнерот.

Тројка

Соништата во кои имате секс во тројка најчесто означуваат дека самодовербата ви е намалена и дека нешто ви недостасува во емотивниот живот.

Хомосексуален секс

Соништата за секс со некоја личност од истиот пол воопшто не се ретки. Ако сте жена, тоа значи дека вам ви е потребно повеќе нежност во животот. Ако сте маж, тоа значи дека потребна ви е акција.

Ако сонувате дека изневерувате или ве изневеруваат

Овие соништа ги прикажуваат вашите стравувања дека партнерот ќе ги изгуби емоциите кон вас.

Секс со позната личност

Сонот каде вие имате секс со некоја славна личност најчесто значи, дека во вашиот партнер ги барате идеалните карактеристики кои ги има таа славна личност. Покрај тоа, може да значи дека потајно посакувате луѓето повеќе да ве ценат.

Ако не гледате како изгледа партнерот

Ако лицето на партнерот со кој имате сексуален однос во сонот не се гледа или е матно, тоа значи дека сакате вашите таленти да бидат препознаени и да го покажете својот потенцијал.

притисни ентер