Ја убил за 20 евра, семејството се обиде да го линчува убиецот (фото + видео)

Пред две седмици, на гробишта во центарот на Атина, брутално, со 14 убоди со нож, беше убиена 32 годишна девојка, а по темелната истрага на грчката полиција,пред неколку дена уапсен беше 58 годишен маж, наркоман, осуденик за поседување на дрога, кој одлежал затворска казна и бил ослободен.
Пред полицајците при апсењето, го признал убиството и рекол дека немал намера да ја убие туку само да ја ограби за да стигне до пари за да си ја земе дозата.

Семејството, роднините и пријателите на убиената девојка се собраа пред судот каде што утрово, 58 годишниот беше изнесен пред истражен судија и по втор пат физички и вербално го нападнаа убиецот.

„Ќе умреш„ „Убиец, убиец“, „Смрт за убиецот„-  извикуваа роднините на девојката, а за влакно беше избегнат линч. Ниту полицајците не успеаа да ги запрат во нивната намера физички да го нападнат убиецот и да го искажат нивниот бес.

Убиството се случи сред бел ден, додека девојката била на гробот на нејзин пријател, 58 годишниот сакал да ја ограби, да и ја земе чантата и мобилниот телефон. Откако девојката пружила отпор и се обидела да се одбрани, ја избодел 14 пати со нож, ја оставил во локва крв и побегнал. Чантата ја фрлил, а мобилниот телефон го продал за 20 евра.

Грчката полиција, следејќи го сигналот на мобилниот телефон на девојката, ја локализирала продавницата каде што убиецот го продал мобилниот, по безбедносните камери бил идентификуван, а подоцна и уапсен.

Со одлука на јавен обвинител, грчката полиција ги објави фотографиите од убиецот, во случај некој од граѓаните да бил жртва на 58 годишниот. 

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

Вечерва „Млади за Македонија“ ќе протестираат против договорот со Грција

Вечерва е закажан протестен собир против договорот Грција, во организација на иницијативата „Млади за Македонија“.

Погледнете го целосниот извештај на нашата колешка Тамара Стојкова која е пред Собранието на Р:М. :

„Ербас“ ќе ја напушти Британија доколку не се постигне договор со ЕУ

Европскиот производител на авиони „Ербас“ предупреди дека ќе ги повлече инвестициите од Велика Британија, бидејќи стравува дека британската Влада може да ја напушти ЕУ, без да постигне договор за преодниот период по Брегзит.

Компанијата соопшти дека ги проценила ризиците поврзани со Брегзит.

Доколку земјата ги напушти „истовремено заедничкиот пазар и царинската унија, без преоден договор“, тоа ќе предизвика големи проблеми во нејзиното производство во Велика Британија и загуби од милијарди долари.

– Таквите сценарија ќе го принудат „Ербас“ да ги преразгледа инвестициите во Британија и својата долгорочна позиција во земјата, предупреди „Ербас“.

Компанијата има 25 објекти во Британија, каде произведува авионски крила. Во неа се вработени 14.000 лица на островот и уште 100.000 во нејзините филијали.

Велика Британија треба официјално да излезе од ЕУ на 28 март 2019 година.

притисни ентер