Вангеловски во увид во Гевгелискиот суд за налогот за Панчевски

Претседателот на Врховниот суд, Јово Вангеловски и претседателот на Судкиот совет, Зоран Караџовски беа во Гевгелискот суд. Нема потврда ниту од двајцата дали контролата е поради проверка на законитоста на налогот кој судијата го одобри за претрес кај поранешниот Претседател на Кривичниот суд, Владимир Панчевски.
Претседателот на Врховниот суд Јово Вангеловски и првиот човек на Судскиот совет Зоран Караџовски денеска извршија увид во Гевгелискиот суд. Според извори за Канал 5 , Вангеловски и Караџовски го провериле налогот кој судијата го одобри за претрес  кај екс претседателот на скопскиот Кривичниот суд,  Владимир Панчевски.

Официјални информации за тоа што точно бараат првите луѓе на највисоките судски органи не добивме.

Од Службата за односи со јавност во Врховниот суд денеска добивме одговор дека не знаат дали претседателот е на работа. Од таму во телефонски разговор ни беше одговорено дека цел ден не можеле да стапат во контакт со претседателот Вангеловски и поради тие причини официјален одговор за тоа дали и зошто тој е во посета на гевгелискиот суд, не можеме да добиеме.

И Јово Вангеловски и Зоран Караџовски цел ден не одговараат на нашите повици и на СМС пораките за да кажат дали ја проверуваат законитоста на налогот за претрес.

Од Специјалното јавно обвинителство само кусо одговорија дека немаат коментар.

Акцијата на Вангеловски и Караџовски следува откако Панчевски преку допис се жалеше токму кај Судскиот совет дека обвинителите на СЈО, незаконски постапувале и била применета физичка сила за време на претресот во неговиот дом.

Специјалното јавна обвинителка Катица Јанева, пред една недела изврши претрес во домот и канцеларијата на екс претседателот на Кривичен, но и во домовите на уште двајца вработени во судот. Како што истакна Јанева, Панчевски е осомничен за злоупотреба на службената положба и оддавање на службена тајна.



Шварценегер го „нападна“ Трамп

Холивудската ѕвезда Арнолд Шварценегер  со остар коментар за претседателот на САД , Доналд Трап на социјалните мрежи.

Популарниот актер го нарече Трамп „мало мокро парче“ откако американскиот претседател  изјави дека повеќе му верува на лидерот на Русија Владимир Путин отколку на сопствените тајни служби.

„Претседателе Трамп, токму сега ја гледав твојата прес конференција со Путин и беше срамно. Стоеше тамо како мало  мокро парче, како фан... Се прашувам само кога ќе прашаш за автогра, или селфи или слично нешто?Буквално на оваа прес конференција ги продаде нашите безбедносни служби, нашиот правен систем и најлошо од се нашата земја. Ти си претседател на САД, не би требало тоа да го правиш. Што не е во ред со тебе?, рече во својот остар коментар Шварценегер во видео обраќање на Инстаграм.

Трамп: НАТО подобро се финансира „само поради мене“

Американскиот претседател Доналд Трамп смета дека лично тој е заслужен за силата на НАТО, организација која досега честопати ја критикуваше.

Организацијата на Северноатлантскиот договор подобро се финансира „само поради мене”, напиша Трамп на Твитер.

– Имав одличен состанок со НАТО, напиша американскиот претседател за неодамнешните средби со сојузниците од Алијансата.

– НАТО беше слаб, сега е повторно силен (лошо за Русија). Медиумите само говорат дека сум бил непристоен кон лидерите, никогаш не ги спомнуваат парите!, напиша Трамп.

Пендаровски во „Само Вистина“: Република Илинденска Македонија беше предлог од Македонска страна во преговорите кој не го прифати Грчката страна

Гостин  во „Само Вистина“ вечерва беше националниот координатор за НАТО, Стево Пендаровски, кој вели сосема плански дошол на оваа позиција, бидејќи знаел дека 2018-та ќе биде круцијална на планот на НАТО интеграциите. 

Тој во емисијата, а прашан да ги коментира своите јавни ставови до пред два- три месеци дека не верува дека ќе се дојде до договор со Грција воден од сознанијата на грчките превисоки позиции и непопустливост, изјави дека до последно во преговорите грчката позиција била апсурдна во смисла не прифаќала признавање на Македонски идентитет и јазик. Пендаровски најави дека во понеделник наредната недела доаѓала голема делегација од НАТО, во контекст на пристапните преговори кои Македонија ќе ги има со алијансата и притоа рече дека не се очекуваат опонирања од другите членки како Турција, Франција, Холандија итн..Пендаровски спомена дека жали што поранешниот претседател Црвенковски одлучил да не учествува во јавноста цело ова време, бидејќи имал што да каже на оваа тема. Но, Пендаровски потврди дека на Самитот на НАТО во Букурешт 2008-ма година Македонскиот државно-владин врв претседателот Бранко Црвенковски и премиерот Никола Груевски изградиле став да се појават со одлуката дека прифаќаат Република Македонија ( Скопје) нешто што не го прифатила грчката страна и тоа било предлог за замена на референцата ФИРОМ . Ерга омнес барањето грчката страна го испорачала на овие последно интензвирани преговори , и како што рече Пендаровски, тоа се должело на претераната антиквизација на општеството од страна на владата на Груевски. За повеќе детали , погледајте го видеото од вечерашното издание на Само вистина.

притисни ентер