Летаат столчиња во Барселона, нови судири на демонстрантите (видео)

Во центарот на Барселона се судрија две помали групи на демонстранти додека во градот се одржува протестот на илјадниците приврзаници за заедништвото на Каталонија и Шпанија.
„АП“ пренесува дека спротивставените страни се гаѓале со столчиња, додека локалната полиција се обидува да ги раздвои.

Агенцијата наведува дека не е јасно што го предизвикало ова насилство нити кој учествувал во него.

„АП“ наведува дека на снимките се гледа како столчиња летаат на двете страни, додека припадниците на комуналната и регионалната полиција туркаат неколку десетина демонстранти од секоја страна.

Се наведува дека во близина се одржува протест на организација на цивилното друштво која се противи на сепаратистичките планови на Каталонија и дека демонстрациите не се прекинати.




Истовремено околу 200 припадници на ултрадесницата и шпанските националистички организации ги завршија митингот на брдото Монжуик во Барселона на кој го запалија неофицијалното знаме попознато како „Сенјера“ кое стана симбол на каталонските сепаратисти.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

Александар Пандов и Алберт Муслиу во „Само вистина“

Муслиу во „Само Вистина“: Не е добро да се повикува на бојкот за референдумот.

Пандов во „Само Вистина“: Јас нема да гласам на референдумот и ќе повикувам на бојкот

Во вечерашното издание на тв дуелот „Само Вистина“ гостуваа Александар Пандов и Алберт Муслиу. 

Пандов истакна дека нему му пречи целиот договор зашто со него се уништува и разнебитува се што е Македонско и дека со овој договор како и со претходниот заедно се разнебитува историјата и е влез во една фаза на разнебитување поделба на Македонија од страна на соседите. Муслиу вели дека договорот е добар и дека ги заштитува посебноста и она што значи Македонски идентитет јазик и култураб и дека оптимално е најдоброто максимално што можело да се постигне на преговарачката маса.

И двајцата сметаат дека референдумот е врвен демократски институт и можност на кој граѓаните ќе можат да го изнесат својот став, со тоа што Пандов рече дека ќе го бојкотира и ќе повика и другите да го бојкотираат зашто, како што наведе, ќе се полнеле кутии а Муслиу рече дека не е добро да се повикуваат граѓаните да го бојкотираат референдумот и дека Меѓународната заедница нема да дозволи лажирање на референдумот.

Во поглед на можноста за импичмент Пандов цени дека претседателот постапува исправно што не го потпишува Договорот и дека го оквалификува како штетен за државата. Муслиу смета дека многу лесно Парламентарното мнозинство може да обезбеди двотретинско мнозинство за покренување постапка за импичмент.

Погледнете ја вечерашната емисија „Само вистина“ тука.

притисни ентер