Живот

50 години од смртта на револуционерот: Че - херој на комунизмот кој стана икона на комерцијализмот

Погубувањето на револуционерот Че Гевара во Боливија пред 50 години имаше непредвидливи последици.

Момчето кое стана икона на револуционерното движење подоцна беше претворено во лик испринтан на пакло цигари и маички.

Џеј Кантор автор на „Смртта на Че Гевара“, процесот на комодификација (претворање во стока за широка потрошувачка) на марксистичкиот револуционер го опишува како една од најголемите иронии врзани за герилскиот водач.

„Можете да купите маички со Че на нив. Веројатно постои и колонска вода Че. Запрепастувачко е кооптирањето на секој вид побуна со таа комодификација. Единствен начин за надминување на тој процес е памтењето за што навистина се бореше тој“, вели Кантор за „РТ“.

Улогата на Ернест Гевара, или попознат како Че, како што го нарекоа неговите другари, во отфрлањето на диктатурата на генералот Батиста на Куба во 1959 година, му донесе светска слава.

Меѓутоа, неговиот пропуст да го повтори тој успех во Боливија го зацврсти неговото место во историјата како левичарски маченик.

Последните месеци од животот во 1966 и 1967 година во дневникот се опишани како денови на бунтовничка сила, а неговата војска како „непобедливи суперлуѓе“. Меѓутоа, со време се сведочеше како таа запаѓа во се подлабока криза.

По повеќенеделното копање пештери во ридовите меѓу Сурц и Валегранде во Болиција, Гевара даде воени задачи на својата герила. Тој порано стигна во земјата преправен како бизнисменот Адолф Гонзалес и беше подготвен својот вид револуција да ја доведе во Јужна Америка, каде веќе беше трн во око на неколонијалните непријатели.

Сепак, имаше само 12 свои луѓе во групата.

Беше 12 декември 1966 година, а за помалку од година потоа Че беше мртов. Го заробија боливиските сили под контрола на САД во импровизирана ќелија во училиштето во селото Ла Игуера, и го погубија.

Кантор поминал 15 години во истражување на животот на Гевара и смета дека тој е комплексна историска личност која била способна за големо сочувство, но и студено насилство.

Тој дуалитет најдобро се покажал во делот ликвидацијата на неговите предавници, додека истовремено немал срце да ги нападне непријателските војници на спиење.

Гевара порачуваше дека за револуција потребна е голема љубов, а исто така „треба да се биде студена, селективна и насилна машина за убивање“.

„Верувам дека тие аспекти го чинеа неговиот карактер. Се чини дека истовремено имал многу хуман инстинкт, но и дека бил способен за насилство. Еднаш кога прибегнал кон насилство, тој хуман инстинкт се исклучил и тој станал онаков каков што мислел дека историјата од него бара. Секогаш е опасно кога луѓето велат дека се однесуваат како што од нив бара историјата“, вели авторот.

Живот

Ужас во Словачка: Родители си ги тепале своите четири деца со синџири и ремени, ги изгладнувале

Во брутален случај на злоупотреба на четири деца во Словачка, полицијата ги уапси мајката Јарослава (32) и таткото Милан (42).

Децата доживеале неверојатна тортура, родителите наводно ги тепале со ремени и синџири. Откако ќе ги претепале, ги затворале и ги изгладнувале. Сепак, Јарослава за време на сослушувањето го обвини таткото за сѐ, објавија локалните медиуми.

Таа наводно рекла дека имала многу лоши односи со Милан. Според неа, тој наводно бил алкохоличар во последните 10 години. Во една прилика тој наводно го претепал синот Адријан со ремен, а потоа рекол дека не сака да го прави тоа. Според медиумите, мајката знаела дека таткото не им дава храна на децата.

Јарослава тогаш изјавила дека Милан не им дозволувал ништо на децата, кои многу се плашеле од него. Милан наводно во една прилика го претепал Адријан со тоа што го извлекол од креветот и го удирал со таква сила што момчето се онесвестило.

Катанците во куќата наликувале на затворски. Биле ставени на шкафовите, на вратата од детската соба, но и на фрижидерот, за децата да не изедат сѐ. Низ куќата одекнувале грди зборови.

Оваа ужасна злоупотреба била откриена минатата недела. Резултатите од истрагата покажуваат дека злоставувањето било откриено за време на часот по физичко, кога Адријан се пресоблекувал во спортска облека во соблекувалната.

Момчето наводно не сакало да каже ништо пред тоа бидејќи се плашело од тоа што може да го чека дома. Тој рекол дека татко му го тепал со синџир.

Медицинскиот извештај на Универзитетската болница во Трнава покажува дека Адријан се здобил со контузија и хематом на градниот кош.

На Милан сега му се закануваат 15 години затвор. Сепак, неговото семејство не се согласува со обвинувањата, додека неговата сестра тврди дека Милан никогаш не злоставувал деца.

„Одеше на работа додека жена му беше дома, таа не ни готвеше. Добро се грижеше за децата. Имаа брава на вратата да не ја отвораат децата. Децата го земаа јогуртот, јадеа малку па го фрлаа во ѓубре“, тврди сестрата на обвинетиот.

Полицијата ја продолжува истрагата.

Свет

Повторно е нападната американската воена база во Ирак

Вчера била нападната американската воена воздухопловна база Ал Асад во западниот дел на Ирак, а во нападот не е направена никаква штета и никој не е повреден, изјави неименуван американски функционер за Тајмс оф Израел.

„Ова беше втор напад врз американските сили од 4 февруари“, додаде американскиот официјален претставник, мислејќи на нападот во неделата кога беа истрелани пет ракети врз истата база од пограничниот град Зума.

Во тоа време, САД објавија дека сојузничкиот борбен авион уништил ракетен фрлач во Сирија, додавајќи дека ниту еден американски воен персонал не бил повреден.

Бранот од 165 напади врз американските војници во Ирак и Сирија започна во октомври минатата година, откако Хамас го нападна Израел, а заврши во февруари кога САД извршија воздушни напади врз цели поврзани со Иран во Ирак и Сирија.

Шоу биз

Ен Хатавеј се потсети на одвратната аудиција, на која морала да се бакнува со 10 колеги (ВИДЕО)

Ен Хатавеј вели дека тестовите за хемија меѓу актерите во раните 2000-ти биле одвратни, пишува IndieWire.

Во интервју за магазинот V, актерката се присети на незгодните аудиции за романтични комедии во кои глумеше на почетокот на кариерата.

„Во 2000-тите беше нормално да се бара од актерите да се бакнуваат за време на аудиција, да се тестира хемијата, иако тоа е најлошиот начин да се тестира хемијата - дури и мене ми се има случено“, рече актерката. „Тие рекоа: „Имаме десет момци кои доаѓаат денес, а ти ја доби улогата. Зарем не си возбудена да ги бакнуваш? Мислев дека нешто не е во ред со мене бидејќи не бев возбудена.“

„Бев толку млада и знаев колку е лесно да изгубиш сè ако некој рече дека ти е тешко да се работи, па се преправав дека сум возбудена“, објаснила ѕвездата од „Дневниците на принцезата“. „Тоа не беше игра за моќ, никој не се обидуваше да ме повреди или да биде ужасен. Тоа беа различни времиња и ние денес подобро знаеме“.

Наскоро ќе можеме да ја видиме Хатавеј во романтичниот филм The Idea of You, кој пристигнува на Prime Video на 2 мај. Во филмот, актерката толкува 40-годишна самохрана мајка која влегува во врска со 24-годишен музичар, кој го игра Николас Галицин.

Филмот беше премиерно прикажан на филмскиот фестивал South by Southwest, кој се одржа во март годинава. Критичарите на Rotten Tomatoes го оценија The Idea of You со 95 проценти.