Навалица од кандидати за партиските листи за градоначалник

Во јавноста и во медиумите веќе почнаа да се вртат имиња за кандидатите за градоначалници зад кои ќе застанат партиите. Голем дел од старите градоначалници би сакале нов мандат.

Сите сакаат да станат градоначалници. Во ВМРО-ДПМНЕ потврдуваа - во партијата пристигнале многу кандидатури. Најголемиот дел, биле од старите градоначалници. 

Рокот истече  во октимври  минатата година.

Во СДСМ пак, велат дека постапката за градоначалници е во тек.

Сеуште  општинските организации ги прибирале кандидатските листи кои треба до средината на март да ги  достават до централата на Бихаќка.

Во јавноста и во медиумите веќе почнаа да се вртат имиња.

Дневник напиша дека поранешната пратеничка на СДСМ, Софија Куновска и директорот на паркинзи на општина Центар, Саша Богдановиќ би можеле да му ги поматат сметките во градоначалничката трка  на Жерновски...

На ова градоначалникот на Центар на својот Фб статус објави дека текстот покажува дека ВМРО-ДПМНЕ уште не може да преболи за поразот. Жерновски  очекува подршка од СДСМ, бидејќи анкетите покажале дека две третини од центарци се задоволи од неговата работа.

- . Јас сум предложен од речиси сите месни одбори. Денеска ќе ја предадам мојата програма, согласно партиските процедури, напиша Жерновски. 

Од СДСМ велат дека во средина на постапката не сакаат да коментираат бидејќи би било неблагодарно да фаворизираат било какви имиња. Како кандидати пак за општина Центар дел од медииумите ги објавија имињата на директорот на центарот за комуникација на партијата Иво Котевски и министерот за здравство Никола Тодоров.

Во Германија дозвола за азил со поткуп од 1000 евра

Германија пред голем скандал откако беше откриено дека во градот Бремен биле издавани дозволи за азил со поткуп на администрацијата.

Сумата наводно била 1.000 евра, а надлежните се обиделе да го скријат овој скандалот.

    Германскиот министер за внатрешни работи Хорст Зехофер е под засилен притисок во рамките на владата, но и од надвор од неа поради начинот на кој се справува со „големите нерегуларности“ во процесот на издавање дозволи за азил.

Германија со денови ја тресе голем скандал откако беше откриено дека канцеларијата на службата за мигранти и бегалци (БАМФ) во бремен им доделила азилантски статус на речиси 1.200 бегалци без почитување на процедурата. Сомнежите се дека статусот бил доделуван со мито, а во центарот на вниманието е поранешната шефица на локалната канцеларија во Бремен.

Нова демократија бара Ципрас да одговори дали и понатаму се разговара за Илинденска Македонија

Молкот од гршкиот премиер Алексис Ципрас за „Илинденска Македонија“ создава загриженост кај Грците во однос на тоа дали предлогот е сѐ уште на преговарачката маса

Молкот од гршкиот премиер Алексис Ципрас за „Илинденска Македонија“ создава загриженост кај Грците во однос на тоа дали предлогот е сѐ уште на преговарачката маса, смета потпретседателот на грчката опозициска партија, Нова демократија Костис Хаѕидакис.

Како што јави дописничката на МИА од Атина, Хаѕидакис вели дека партијата, преку нејзиниот претседател Мицотакис, вчера два пати од грчкиот парламент „побара од премиерот да разјасни дали продолжува да разговара за името Илинденска Македонија“.

- Ципрас два пати се направи дека не го слушна. Неговиот молк на Грците им создава оправдана загриженост дека овој неприфатлив предлог, што е олицетворение на скопскиот иредентизам, уште се наоѓа на преговарачката маса. Господинот Ципрас треба денес и јасно да одговори на прашањето на Нова демократија, вели Хаѕидакис во неговата изјава. /МИА

Ѓорѓиевски и Петровски во „Само вистина“: Дијаспората во Австралија е против промена на уставното име

Во вечерашната „Само вистина“ ни гостуваа претставниците на Македонската дијаспора од Австралија.

Во вечерашната „Само вистина“ ни гостуваа претставниците на Македонската дијаспора од Австралија, Мелбурн Стефан Ѓорѓиевски Поешевски маркетинг менаџер во два весника и почесен член на фудбалскиот клуб „Престон Македонија“ и Аце Петровски претседател и доживотен член на КУД ,,Никола Карев“ од Мелбурн. 

И двајцата во „Само Вистина“ говореа за она што и е потребно на дијаспората во Австралија за полесна комуникација  со матичната земја, но и за тоа зошто дијаспората покажа многу мал одѕив на изборите во 2011 и 2014-та година а се потрошија околу 3 милиони евра. Стефан Ѓорѓиевски Поешевски и Аце Петровски информираа дека Македонците во Австралија не биле задоволни од предлозите за пратеник, кога би бил тој предлог на наш избор а не да ни го бира СДСМ или ВМРО-ДПМНЕ тогаш ние би гласале повеќе, велат.

И двајцата порачаа дека дијаспората е против менување на уставното име, реагираат што министерот за дијаспора Адеми не отишол да ги посети и очекуваат дека со Законот за дијаспора и со Стратегијата за дијаспора 2018-2023 година дека ќе им биде полесно да ги артикулираат нивните потреби и барања. Рекоа дека околу стотина Македонци од Австралија сакаат да инвестираат во Македонија и дека треба отвореност на владата и институциите за да ги привлече.

Повеќе гледајте во видеото на „Само Вистина“

притисни ентер