За три месеци плинот поскапел за над 45%

За 3 месеци поскапел за над 45 отсто. Течниот нафтен гас или плинот за коли, од вторникот се продава по цена од 34 денари за литар. До почетокот на ноември на бензинските станици се точел за само 24 денари што е речиси двојно пониско од моменталната цена.
Увозниците кои не сакаат да дадат изјава пред камера низ смеење велат дека во моментов потрошувачката е најголема, возилата во зимскиот период трошат многу повеќе па затоа и цената се крева за тие да направеле екстра заработувачка иако тоа е врз грбот на возачите.

Зголемувањето на цената на авто гасот  за речиси 50 проценти сериозно влијае врз буџетот на граѓаните бидејќи на овој енергенс се движат најголемиот дел од автомобилите но и градежната механизација.

За познавачите на состојбите на пазарот спорно е што токму овој енергенс кој не е регулиран во ист временски период на повеќе различни правни субјекти поскапува за иста вредност. Тоа дава индиции дека картели ја контролираат цената и ја штелуваат според потрошувачката. Но според закон токму договарањето на сопствена цена која ја прифаќаат сите не е дозволена бидејќи се нарушува конкуренцијата.

Дека цената е пресметана од ракав покажуваат и неколку бензински станици кои течниот нафтен гас го продаваат за цена од 29 до 30 денари за литар што е за над 10 проценти пониска од генарално договорената од компаниите кои имаат поголем број пумпи низ државата.

Антимонополската комисија по новинарски прилог за постоење на индиции за картелско здружување покрена случај уште пред 5 години но немаше ниту разрешница ниту пак последица бидејќи немале сведок кој ја договарал цената а требало сам да се пријави за кривичното дело па само така на тој начин можело да се утврди постоење на картелско здружување кое очигледно прави неосновата екстра заработувачка.


Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер