Субвенции од 31 милион денари за домашна документарна и играна програма

Триесет и еден милион денари изнесуваат субвенциите за годинава од државата за продукција на домашна документарна и играна програма.
Одлуката за максималниот износ на надомест за покривање на трошоците за производство на домашна документарна програма и домашна играна програма ја донесе Владата на последната седница, информира денеска на прес-конференција заменик-министерот за информатичко општество и администрација Тимчо Муцунски.

Државата исплаќа надомест за покривање 50 проценти од трошоците  при производство на документарна и играна програма на националните телевизии и јавниот радиодифузен сервис од 2014 година.

- Телевизиските радиодифузери при доставување предлог проект треба да ги имаат предвид одредбите од Уредбата за структура на трошоците, како и одлуката за максималниот износ на надоместот за покривање на трошоците во висина од 50 проценти при производство на домашна документарна и домашна играна програма. Работата е максимално транспарентна, објективна, без фаворизирање, а единствените  критериуми се почитување на професионалните стандарди и обезбедување комплетна документација која се бара за аплицирање со јавниот повик, рече Муцунски.

Како што појасни, предвидени се професионални стандарди коишто медиумите треба да ги исполнат за да може нивниот проект да биде одобрен. Стандардите опфаќаат сценарио за ТВ филм или за секоја епизода за ТВ серија, кратка содржина за документарна програма, технологија за продукција за домашна играна програма, рок и динамика за производство со назначување на локациите на снимање, предвидени ресурси за произвдоство, финансиска конструкција на проектот со детален приказ на трошоците...

За изборот на проектите кои ќе бидат субвенционирани одлучува меѓуресорска комисија во која членуваат стручни кадри од министерствата за култура, информатичко општество и администрација, и за финансии, агенциите за филм и за аудио и аудиовизуелни медиумски услуги, Управата за јавни приходи, Канцеларијата на претседателот на Владата на РМ.

Според заменик-министерот Муцунски, во изминатите две години македонските национални медиуми и јавниот сервис произвеле и квантитена и квалитетна сопствена програма, иако, како што потенцира, постоел извесен скептицизам кај одредени субјекти за успешноста на овој проект.

- Денешната програмска понуда е збогатена со разни видови програмски содржини од различни области, историја, култура, традиција, фолклор, детска програма, а посебно е карактеристично што значително заживеа и творештвото на играна програма. Сето ова ја раздвижи домашната продукција и дополнително се ангажираа разни профили на кадри од телевизискиот сервис, како што се продуценти, сценаристи, режисери, актери, тон мајстори, камермани, што не беше својствено во годините пред тоа, рече Муцунски.

Надоместот за покривање 50 проценти од трошоците при производство на документарна и играна програма на националните телевизии и јавниот радиодифузен сервис се утврдува согласно член 92 од Законот за аудио и аудиовизуелни медиумски политики. 

Нови субвенции за купување велосипеди и замена на водомери во општина Карпош

На денешната десетта седница на Советот на општина Карпош, советниците ја одобрија одлуката за добивање на финансиски средства, за замена на стари куќни водомери на со нови ултразвучни.

Водомерите ќе се интегрираат во системот на далечинско одчитување на системот на Јавното претпријатие „Водовод и Канализација“.

Градоначалникот на Карпош Стефан Богоев, нагласи дека ова е грант од ЕБРД преку Министерството за транспорт и врски кој ќе изнесува околу 200.000 евра.

Со овој проект би се опфатиле 500 куќни домаќинства.

На седницата исто така беше одобрена предлог-одлуката за субвенционирање на купување нови велосипеди. По масовниот интерес за првата ваква акција, во која беа предвидени 300.000 денари, локалната самоуправа продолжува со уште една ваква акција, во која се предвидени дополнителни 360.000 денари финансиски средства, со кои ќе се помагаат карпошани да купат нови велосипеди.

Советниците ги усвоија и Извештаите за работата во областа на детската, здравствената и социјалната заштита, културата и образованието. Исто така, се усвоија и Извештаите за работата во областа на заштитата и спасувањето, екологијата и енергетската ефикасност и работата на организација на Советот за периодот од 01.01 до 15.05 .2018 година.

На оваа седница, советниците го усвоија и предлогот за времено давање на недвижни ствари (простории на локалната самоуправа на надвозникот „ Влајко“) на Министерството за земјоделие на Република Македонија.

СДСМ :Криминалното и расипничко 11 годишно владеење на ВМРО-ДПМНЕ ги турна граѓаните и државата во сиромаштија и долгови

Денеска кога ВМРО-ДПМНЕ се обидува да глуми загриженост и да шири неточни, лажни вести треба да и биде јасно дека е прочитана од граѓаните а демантирана од фактите, реагираат од СДСМ на прес конференцијата на ВМРО- ДПМНЕ. .

Само последните три месеци од криминалното владеење на ВМРО ДПМНЕ донесоа пад на економијата од -1.3% во првиот квартал од 2017 година. За само неколку месеци, успешните економски политики на владата на СДСМ придонесоа во последното тримесечие од 2017 година да има раст од +1.3%.

Минималната плата порасна на 12.000 денари, се изедначи за сите индустрии и денес околу 90.000 семејства имаат повисоки плати. Тоа влијае и врз растот на просечната плата којашто според официјални податоци, во март 2018 година бележи раст од 5,6 отсто во однос на истиот месец од 2017 година.

Јавниот долг за првпат е намален по неколку години постојано зголемување, а намалена е и фреквенцијата на задолжување.

Фактите покажуваат дека промените носат економски напредок, раст, поголеми плати и подобар животен стандард за граѓаните.

ВМРО-ДПМНЕ останува заробеник на едно минато време и погрешни политики коишто граѓаните ги поразија. Опозициската партија се уште не може да собере сили да се реформира и да се профилира во сериозен, демократски политички субјект, со јасен политички профил и начин на дејствување, се наведува во реакцијата на СДСМ.

ВМРО- ДПМНЕ : Каде отидоа половина милијарда евра само изминатава година?

Откако само една година е на власт криминалниот картел на СДСМ народот пати од беда, а Република Македонија е во економска стагнација, рече на прес конференција портпаролот на ВМРО – ДПМНЕ , Димче Арсовски.

Економијата тоне, нема инвестиции, а за нови работни места не ни станува збор, нема ниту едно ново работно место отворено.

                    Зоран Заев пред изборите ветуваше дека економијата ќе била приоритет на неговата  влада, ветуваше 500 евра просечна плата, пари назад во џебовите на  граѓаните и дека ќе ја спречел тенденцијата на иселување на младите луѓе од државата, и сето тоа како што велеше со зачувување на 400 милиони евра годишно кои се  краделе од државата.

          Доколку ја земеме предизборната логика на  Зоран Заев како појдовна основа, тогаш се поставува логичното прашање каде завршуваат над 530 милиони евра годишно?

          Каде отидоа половина милијарда евра само изминатава година?  

          Заев и картелот на власт да кажат каде отидоа над 530 милиони  евра од Буџетот на државата, за да нема пари да се остварат проектите кои што ги ветија пред изборите?, прашуваат од ВМРО- ДПМНЕ.

         

притисни ентер