Кампања „Напред розово“ в сабота во Градски парк

Кампањата за борба против ракот на дојка „Напред розово 2014 - чекори против ракот на дојка“ по шести пат ќе се одржи на 17 мај во Градскиот парк кај Школка. Целта на настанот е подигнување на свеста кај населението за ракот на дојката како потенцијално излечлива болест, како и помош и поддршка на жени со такво заболување.
Според податоците на Меѓународната агенција за истражување на ракот „ГЛОБОКАН“, во 2012 година во Македонија се регистрирани 1.152 новозаболени од рак на дојка, од кои околу 400 починале.

Кампањата Напред розово 2014 ја организира Здружението Борка – За секој нов ден во соработка со Американската амбасада.

Претседателот на „Борка“, Биба Додева денеска на прес-конференција рече дека ракот на дојката е најчестото малигно заболување кај жените. Посочи дека жени поддржувачи и членки на Здружението од другите градови организирано ќе дојдат во Скопје и ќе учествуваат во Розовата прошетка. Таа рече дека изготвен е видео спот за кампањата кој е снимен во Драчево и првпат во Македонија во него се само жени кои го победиле ракот.  

Освен Розовата прошетка, истиот ден ќе се одржи и Розовото возење со велосипеди кое е во соработка со неформалната група „На Точак“ која го популаризира урбаното возењето на велосипеди, рекреацијата и здравиот живот. Велосипедистите ќе извозат рута во должина од пет километри низ центарот на градот, а потоа ќе се приклучат кон Розовата прошетка.

Мери Џо Волерс, сопругата на американскиот амбасадор рече дека уште од самиот почеток ја поддржуваат кампањата. Таа ги пренесе искуствата од САД каде превентивните прегледи помогнале да се намали бројот на смртни случаи од рак на дојка.

Партнер во активностите на „Борка“, е Клиничката болница Аџибадем Систина. Дева Петрова, радиотерапевт, онколог во болницата рече дека навременото откривање на малигните болести е клучно за нивно успешно лекување и излекување. Посочи дека се обидуваат да бидат во чекор во најновите достигнувања и на болните со малигни болести да им пружат врвна здравствена заштита.

- Како дел од современата дијагностичка процедура во раното откривање кај малигните болести и следењето на одговорот на терапијата кај тие болести, е отворањето на новиот ПЕТ центар, а со отворањето на Одделот за онкологија и радиотерапија се заокружи целокупната грижа за пациентите со малигни заболувања, рече Петрова.

Додаде дека соработката со „Борка“ е значајна и преку организирање средби со пациенти, тие можат надвор од болничките амбуланти да бидат во контакт со пациентите.

Здружението „Борка“ отвори веб страна посветена на кампањата Напред розово 14, која е поставена на линкот http://napredrozovo.borka.org.mk/. /МИА

СДСМ: ВМРО-ДПМНЕ моли ЕУ да не ни даде датум

ВМРО-ДПМНЕ е криминална и антидржавна партија која ги загрозува европските аспирации на државата за да си отвори шанса повторно да го инсталира режимот и да го амнестира партискиот криминал.

Нивниот последен скандал е обидот да издејствуваат Европската Унија да не и додели датум за почеток на преговори на С. Македонија. Со тоа ВМРО-ДПМНЕ ја доведува во опасност иднината на државата и на граѓаните.

ВМРО-ДПМНЕ како аргумент да ја оправда ваквата антидржавна политика ја користи лагата дека со доделувањето на датум за преговори во март, Европската Унија ќе влијае врз изборната кампања со фаворизирање на одредена партија.

Партијата на Христијан Мицковски  моли меѓународни преставници и европратеници да не се додели датумот за преговори затоа што нивната режимско – криминална матрица е така кодирана – да ја уништува државата, да и ја блокира европската иднина и повторно да ја окупира.

Крајната цел на ВМРО-ДПМНЕ е С. Македонија никогаш да не стане членка на НАТО и на ЕУ само за да си го спасат криминалот и одговорноста што ја покрадоа државата.

ВМРО-ДПМНЕ никако да научи дека реформите, резултатите и успесите не се постигнуваат за партиите, туку за државата. Датумот за почеток на преговори со ЕУ ќе и се додели на С. Македонија, а не на СДСМ или на која било друга партија во власта.

Затоа ваквите потези на ВМРО-ДПМНЕ да лобира за државата да не добие датум, се крајно опасни, непромислени и ја загрозуваат европската иднина на граѓаните.

СДСМ ќе остане посветена на правиот пат кон Европа. Таму е нашата иднина и иднината на нашите деца. Ние ќе сториме се нашата држава во март да го добие датумот за преговори.

Центар за комуникации со јавноста на СДСМ

Албанскиот претседател го тужи министерот за правда поради кршење на Уставот

Албанскиот претседател Илир Мета до Специјалното јавно обвинителство за организиран криминал и корупција (СПАК) поднесе кривични пријави против тројца високи функционери на министерството за правда.

Кривични пријави добија Етилда Ѓонај, министерка за правда, Гентијан Дева, генерален секретар во министерството за правда и Елева Хаџи, директорка на центарот за службени публикации.

Врз основа на кривичниот закон, Мета ги товари за злоупотреба на службената должност, фалсификување документи, вршење незаконско влијание врз лица кои вршат јавна функција и присвојување на титула или државна должност, што го правеле во соработка.

ВМРО-ДПМНЕ: Ќе обезбедиме бесплатен приклучок до гас за секое семејство

ВМРО-ДПМНЕ е партија која се грижи за доброто на граѓаните.

ВМРО-ДПМНЕ по 12-ти април кога ќе ја формира Владата ќе донесе мерки кои ќе го подобрат животот на граѓаните.

ВМРО-ДПМНЕ се обврзува на обнова која ќе значи обезбедување на природен гас за секое домаќинство. Овој енергенс ќе биде достапен за секого.

Со овој проект ќе се опфатат голем број населени места и ќе се овозможи природниот гас да биде подостапен до граѓаните и до компаниите.

ВМРО-ДПМНЕ се обврзува на обнова која ќе донесе на секое домаќинство бесплатен приклучок до гас. Односно ова ќе значи нула денари трошок на секој дом кој ќе реши да користи гас како енергија. Ова подразбира повеќе пари за граѓаните, но и почиста животна средина.

Обнова на Република Македонија следува по 12-ти април, кога новата Влада предводена од ВМРО-ДПМНЕ ќе овозможи целосна гасификација на државата. Обновата значи реални проекти и мерки за секој граѓанин во Македонија.

Центар за комуникации на ВМРО-ДПМНЕ

притисни ентер