Нова фабрика на „Ван Хол“ во Бунарџик

Во Технолошко индустриската развојна зона - Скопје 2 денеска ќе биде пуштен нов капацитет на фабриката за производство на автобуси на белгиската компанија „Ван Хол“.
Во Технолошко индустриската развојна зона - Скопје  2 денеска ќе биде пуштен нов капацитет на фабриката за производство на автобуси на белгиската компанија „Ван Хол“.

На пуштањето во употреба на новата фабрика е најавено присуство на премиерот Никола Груевски, како и на Филип Ван Хол, извршен директор на „Ван Хол“, министерот за странски инвестиции Веле Самак, директорот на Агенцијата за странски инвестиции Висар Фида...

„Ван Хол“ почна со работа во Македонија во јули минатата година, откако во 2012 беше потпишан договор со Владата за инвестиција  во ТИРЗ Скопје 2. Според деловниот план, Ван Хол во Македонија веќе има инвестирано 25 милиони евра во фабрика од 37.000 метри квадратни, која денес е втора најголема гринфилд фабрика во Македонија. Во овој погон работат 430 вработени и веќе се извезени над 120 автобуси на американскиот пазар.

Капацитетот на „Ван Хол“ е прв од фабриките во македонските индустриски зони кој произведува конечен готов производ, а оди под брендот „произведено во Македонија“.  Голем дел од производниот процес веќе вклучува компоненти од македонско производство.

„Ван Хол“ е семејна компанија од Белгија, формирана во 1947 година. Произведува градски и меѓуградски автобуси, како и индустриски возила. Има повеќе од 4.500 вработени во светот и остварува преку 450 милиони евра годишен обрт. Над 80 отсто од производството на „Ван Хол“ е наменето за извоз./Извор МИА.

Атанасов: Програмата за работа на стационарот „Лајка“ ќе се врати на доработка

Се уште нема финална верзија за програмата за работа на новиот стационар „Лајка“, која во вторникот ја презентираше Град Скопје, а која наиде на жестоки реакции кај активистите за правата на животните.

Тие обвинија дека нема да се реши состојбата со бездомните кучиња и дека е преширока употребата на евтаназија. Од АХВ велат дека програма ќе се врати на доработка.

ВМРО-ДПМНЕ: Дали Радмила Шеќеринска го оштетила буџетот за 250 илјади евра, Министерството за одбрана демантира

Зошто инжинериска машина била платена двојно поскапо отколку во Србија? ВМРО-ДПМНЕ обвинува за сомнителен тендер во Министерството за одбрана и вмешаност на министерката Радмила Шеќеринска.

Министерката Радмила Шеќеринска го оштетила буџетот за над 250 илјади евра, обвинија од ВМРО-ДПМНЕ. Портпаролот на партијата, Димче Арсовски, вели дека Министерството за одбрана, лани преку српска фирма„Корковадо“, набавило две инженериски машини Грејдер за потребите на Армијата од по 230 илјади евра, иако истата компанија иста машина за потребите на српската армија неколку месеци подоцна  продала за 108.000 евра...

Прашањето е, ако се знае дека Радмила Шекеринска има сериозни бизнис релации во Србија, поточно во Белград преку нејзин близок од потесното семејство, каде завршиле овие над 250.000 евра разлика во тендерот кој што се на некој начин проневерени?“

Од министерството, не ги негираат сумите, но тврдат дека постапката била транспаретна, а цената била најниска понудена на електронската аукција.. Оттаму ја обвинија опозицијата за ширење на лажни вести.. 

,,Тој тип на машини се карактеризира со широк распон на техничките карактеристики (јачина на мотор, дополнителна опрема, ефикасност, габарит), и во зависност од тоа се утврдуваат и цените.

Дали има злоупотреба во случајот, од ВМРО-ДПМНЕ го повикаа да провери обвинителството..

Напад во Лондон : Верник избоден во џамија , се бори за живот (ВИДЕО)

Нападот се случил во централната џамија во Лондон.

Човек влегол во џамијата во паркот Риџентс веднаш по 15 часот по локално време и прободел човек за време на попладневната молитва.

Мажот е однесен во болница и британските медиуми јавуваат дека е сериозно повреден и се бори за живот.

Се верува дека муезинот што повикува на молитва е прободениот маж со нож, објави Скај њуз.

Полицијата соопшти дека напаѓачот е уапсен на местото на настанот под сомнение за обид за убиство. Се верува џдека станува збор за ултрадесничар , кој го извршил нападот поради ксенофобија.

притисни ентер