Италијанска ИТ компанија „ДФ Лабс“ ќе инвестира во Македонија

Италијанската ИТ компанија „ДФ Лабс“ ќе инвестира во Македонија. Директорот на компанијата Дарио Форте и координаторот за развој на производи Давиде Бошчироли веќе се во посета на Македонија за да ја регистрираат фирмата и да почнат со процесот на вработување.
Планирано е да вработат најмалку 20 висококвалификувани кадри - програмери од Македонија.

Компанијата е позната во ИКТ секторот во областа на сајбер безбедноста и форензичката анализа, а соработува со меѓународни компании како што се ИБМ и НАТО.

Посетата на претставници од италијанската компанија во Скопје е резултат на активностите на економскиот промотор Иван Илиев во Италија.

- Ги поканивме да дојдат во Македонија. После неколкуте посети во текот на изминатите три месеци, горди сме да објавиме дека италијанската ДФ Лабс, ја заснова ДФ Лабс Интернационал во нашата земја. Ова е одличен пример на високо квалитетна и брзорастечка бизнис ориентирана компанија која може да донесе брза одлука за работење во Македонија. Овој проект ќе исплаќа натпросечни плати, ќе вработи млади талентирани дипломци и ќе креира трансфер на најнови практични знаења во технологијата, изјави министерот за странски инвестиции Џери Наумоф.

Менаџментот на компанијата се одлучил да инвестира во Македонија поради поволната даночна политика, оперативните трошоци и добрата ИТ инфраструктура.

- Се сретнавме со министерот Наумоф во Италија и бевме импресионирани од неговите познавања за нашиот сектор и нашата компанија. Министерот веднаш ги препозна нашите потреби и уште на првата средба ги имаше скоро сите одговори што ни требаа. Што е најважно, добивме исклучителна поддршка од членовите на неговиот кабинет. Добиваме помош во секој момент и никогаш се немаме почувствувано сами. Ова треба да послужи за пример за многу земји, вклучувајќи ја и нашата, истакна Дарио Форте.

Покрај Македонија, италијанската компанија како опции за инвестирање ги разгледувала и Индија, Виетнам и Србија.

Раководството на италијанската компанија се сретна и со претставници на Универзитетот  за информатички науки и технологии „Св.Апостол Павле“ од Охрид, со кои потпишаа меморандум за соработка за отварање на лабораторија во рамки на универзитетот, во која ќе се ангажираат програмери за истражувања за одговор на инциденти и пробиени податоци.

Се сретнаа и деканот на Факултет за информатички науки и компјутерско инжинерство при скопскиот Универзитет „Св.Кирил и Методиј“ со кој ги договорија следните чекори за соработка. /Извор: МИА/

Кина со најниска стапка на наталитет во последните 70 години

Стапката на наталитет во Кина се спушти на најниско ниво од основањето на Народна Република пред 70 години, и покрај попуштањето на строгата политика на едно дете.

Во 2019 година имало 10,48 раѓања на илјада жители, најмалку од 1949 година, соопшти кинеското биро за статистика. Бројот на деца родени во 2019 година опадна за 580 илјади и изнесува 14,65 милиони.

Стапката на наталитет на Кина опаѓа со години, што е предизвик за втората по големина економија во светот.

Но, со помалку раѓања, смртноста е исто така помала, па кинеското население порасна на 1,4 милијарди луѓе минатата година.

Намалениот број на раѓања предизвикува загриженост за „демографската бомба“ затоа што намалениот број на работоспособни луѓе ќе мора да поддржи поголем број пензионери.

Стапката на наталитет на Кина е помала од стапката на наталитет на САД во 2017 година, кога последен пат е забележана, со 12 раѓања на илјада луѓе. Според Светска банка, во 2017 година глобалната стапка била 18,65 раѓања на илјада.

Во 1979 година, кинеската влада воведе политика на едно дете за спречување на растот на населението. Повреда на законот се казна за  семејствата, со губење работа или со принуда жената да има абортус.

Но, мерката предизвика голема нерамнотежа на половите, па денес во Кина има 30 милиони повеќе мажи отколку жени. Во 2015 година, сепак, Пекинг им овозможи на семејствата да имаат две деца, но тоа не ја зголеми стапката на наталитет, објави Би-Би-Си.

Економијата на Кина порасна за 6,1 процент во 2019 година, што е најспоро во речиси 30 години, под притисок од трговската војна со САД, покажаа официјалните податоци.

И покрај тоа што ланскиот раст бил побавен отколку во 2018 година, кога активностите пораснаа за 6,6 проценти, тој сепак останал во рамките на целниот опсег на Владата од шест до 6,5 проценти, соопшти Бирото за статистика.

Над 3 500 мигранти маршираат кон јужната граница на САД (ВИДЕО)

Повеќе од 3.500 мигранти од Централна Америка кои сакаат да живеат во САД  денеска дојдоа во Гватемала на пат кон јужната американска граница, пренесува Ројтерс.

Мигрантите се движат во таканаречени каравани, големи групи. Американскиот претседател Доналд Трамп повеќе пати ги предупреди Мексико и Гватемала да ги спречат мигрантите да стигнат до границата меѓу САД и Мексико.

Мигрантите кои патуваат во мали групи во таканаречени каравани со повеќе од 100 луѓе тврдат дека се среќаваат во Текун Уман, во Гватемала пред да се префрлат во Мексико.

Мексиканскиот претседател Андрес Мануел Лопез Обрадор изјави дека неговата влада ја следи ситуацијата. Лопез Обрадор не кажа дали Мексико ќе се обиде да ги задржи луѓето јужно од земјата.

Повеќето граѓани на Централна Америка ги напуштаат своите домови поради насилство и сиромаштија и сакаат по секоја цена да стигнат до САД. Под американски притисок, безбедносните сили на Мексико се обидуваат да ги разбијат поголемите групи што се движат кон север и сакаат да ја преминат границата.

Околу 1.000 мигранти пристигнаа во Гватемала овој вторник, при што локалните власти вратија дел од нив на границата со Хондурас за да ја пополнат потребната документација.

„Ние не ги вративме луѓето од Гватемала и сега има околу 3500  од нив кои ја преминаа нашата граница“, изјави Алехандра Мена, портпарол на Институтот за миграција во Гватемала. Најмалку 600 мигранти од Хондурас ја поминаа минатата ноќ во градот Гватемала спиејќи во шатори.

Поранешниот претседател на Гватемала, Џими Моралес се согласи минатиот јули со САД да воведат мерки насочени кон запирање на пристигнувањето на барателите на азил од Хондурас и Ел Салвадор во земјата. Новиот претседател на Гватемала, Алехандро Џаматети рече дека неговиот приоритет е да го преиспита текстот на договорот за мигранти со САД.

Бразилскиот министер за култура во својот говор го цитирал нацистичкиот шеф на пропагандата на Хитлер

Бразилскиот министер за култура е сменет откако цитирал делови од говорот на нацистичкиот шеф на пропагандата Јозеф Гебелс, објави Би-Би-Си.

Министерот за култура Роберто Алвим зборувашл за наградите за култура како за „херојска“ и „национална“ уметност во видеото што го објавил на Твитер.

Во позадина се слушала операта Лохрин од  Ричард Вагнер, омилениот композитор на Хитлер.

Претходно, Алвим рече дека видеото е веќе избришано, и дека  во него имало „реторичка случајност“.

Десничарскиот претседател Жаир Болсонаро го опиша неговиот говор како „несреќен“.

„Повторно потврдувам дека ние ги отфрламе тоталитарните и геноцидните идеологии, како што се нацизмот и комунизмот, и каква било припадност кон нив. Ја изразуваме нашата целосна и неограничена поддршка за еврејската заедница со која сме пријатели и споделуваме многу заеднички вредности“, објави претседателот на Твитер.

„Бразилската уметност ќе биде херојска и национална во наредната деценија, поддржана од силната емотивна приврзаност и длабока поврзана со запалените аспирации на нашиот народ, или нема да вреди ништо“, рекол Алвим во шестминутното видео во кое зборувал за Националните награди за уметност.

Делови од говорот биле идентични со говорот цитиран во книгата „Jозеф Гебелс: биографија“ на германскиот историчар Питер Лонгич, кој напишал неколку трудови за холокаустот.

Гебелс го предводеше Министерството за национално образование и пропаганда, создадено за да го прослави Адолф Хитлер.

Неговите методи вклучуваат цензура во медиумите и контрола на радиостаниците и полињата на култура и уметност.

притисни ентер