Македонија

Пешевски: „Дрекслмајер“ ја потврдува успешноста на владините економски политики

Многу е импресивно да видиме што се случува тука последниве 12 месеци и импресионирани сме од ситуацијата и задоволни од вработените, рече денеска Карл Валнер, член на одборот на директори на групацијата Дрекслмајер. Тој е во фабриката на германскиот производител на делови од автомобилската индустрија во Кавадарци каде во моментов работат околу 4.000 работници.

„Се надеваме дека и тие се задоволни од нас, како што сме задоволни и ние од тоа што работат за нас. Добиваме огромна поддршка од политичките институции, од Царината од ТИРЗ и од сите вас и сме благодарни што ве имаме вас како помош и за тоа што не повикавте да дојдеме тука и што дојдовме во Македонија“, рече Карл Валнер.

Фабриката на Дрекслмајер во Кавадарци е најголемата и највредна инвестиција во државата која вкупно чини 50 милиони евра, во објекти и опрема. Дрекслмајер инвестираше 35, а останатите средства се на локални добавувачи, рече вицепремиерот Пешевски. Тој потенцираше дека со вработувањето на работници, од Тиквешкиот регион, од Велес,Градско, Валандово и од наредната недела со првите 200 од Прилеп се креира рамномерен економски развој на регионот.

„Со површина од 50 илјади м2, изградена од домашна фирма и најголема според бројот на вработени оваа фабрика има огромно стратешко значење“, вели министерот Самак. Од оваа фабрика директно на германскиот пазар се доставуваат делови за новата Мерцедес Ц- класа.

Агенцијата за вработување има соработка со Дрекслмајер од самиот почеток на работата на фабриката во Кавадарци.

Самото присуство на Дрекслмајер, како и на Кромберг и Шуберт во земјава успеа да ја привлече туниската компанија Кофикаб, која е директен доставувач на овие компании, да инвестира 10 милиони евра и во текот на 2014 година да изгради капацитети за екструзија на кабли одма до фабриката во Кавадарци.

Свет

Тајван изрази задоволство од долгоочекуваниот пакет помош од САД

Тајван изрази задоволство од пакетот помош одобрен од американскиот Конгрес, кој вклучува поддршка за островот со оружје, и покрај повиците на Кина до Вашингтон да престане да му продава оружје на Тајпеј.

САД се најважниот меѓународен поддржувач и снабдувач на оружје на Тајван и покрај недостигот на официјални дипломатски врски. Кина, која го гледа Тајван како своја територија, постојано бара да престане продажбата на оружје.

Американските сенатори одобрија со 79 „против“ и 18 гласа „против“ четирите предлог-закони усвоени од Претставничкиот дом во саботата, откако републиканските лидери во Претставничкиот дом ненадејно го сменија курсот минатата недела и гласаа за ослободување од 95 милијарди долари во главно воена помош за Украина, Израел и Тајван, како и за американски партнери во индо-пацифичкиот регион.

На состанокот со американските пратеници во посета на претседателската канцеларија во Тајпеј, тајванскиот претседател Цаи Инг-вен го одбележа усвојувањето на законите во текот на викендот. „Ние сме многу среќни што Сенатот ги усвои овие закони“, рече Цаи. /МИА

Свет

Штајнмаер во Анкара ќе се сретне со Ердоган

Турскиот претседател Реџеп Таип Ердоган и германскиот претседател Франк-Валтер Штајнмаер ќе се сретнат денеска во Анкара, јавија турските медиуми.

Штајнмаер оваа недела пристигна во посета на Турција на покана на Ердоган. Завчера тој беше во посета на Истанбул, а вчера беше во Газиантеп.

На средбата на двајцата шефови на држави во претседателската палата Бештепе денеска ќе бидат разгледани билатералните односи меѓу Турција и Германија во сите нивни аспекти и ќе се разговара за опциите за натамошен развој на соработката меѓу двете земји. Ќе се разговара за кризата во Појасот Газа и другите случувања на Блискиот Исток, војната меѓу Украина и Русија, односите меѓу Турција и Европската унија, како и други глобални и регионални прашања, соопшти Дирекцијата за комуникации на турското претседателство.

По билатералните разговори, претседателите ќе одржат заедничка прес-конференција.

Штајнмаер вчера го посети градот Газиантеп, кој беше погоден од разорните земјотреси во февруари. Тој се сретна со гувернерот на областа Кемал Чебер и со градоначалничката на градот Фатма Сахин, објави „Хуриет“. /МИА

Свет

Иран и Пакистан бараат СБ на ОН да преземе дејствија против Израел

 Иран и Пакистан го повикаа Советот за безбедност на Обединети нации да преземе акција против Израел, поради како што тврдат „незаконски“ ги нападнал соседните земји и дипломатските објекти.

- Признавајќи дека неодговорниот чин на силите на израелскиот режим претставува сериозна ескалација во и онака нестабилен регион, двете страни го повикаа СБ на ОН да го спречи авантуризмот на израелскиот режим во регионот и неговите незаконски дејствија за напад на соседите, се истакнува во заедничката изјава Иран и Пакистан.

Заедничката изјава е договорена за време на тридневната посета на иранскиот претседател Ебрахим Раиси на Пакистан во време на зголемени тензии во регионот на Блиски Исток. /МИА

притисни ентер