Новото продолжение за авантурите на популарната Бриџит Џонс е насловено „Бриџит Џонс: Луда по момчето“, светлото на денот ќе го здогледа на 10 октомври. Иако со месеци се претпоставуваше дека темата на третата книга ќе биде 30 – годишната Бриџит која се повеќе ја мачи фактот што нема деца, сепак не излезе така. Книгата ќе ја следи Бриџит во 50-те години од животот, и тоа пет години по смртта на сопругот.

Авторката на книгата, Хелен Филдинг, одлучила дека е време ликот на Марк Дарси, љубовта на животот на нејзиниот главен лик, да умре. Иако последниот дел од книгата заврши така што Дарси само што ја побара за жена, в новото продолжение нема да има ни збор за нивната венчавка.

Сега Бриџит ќе биде вдовица со две деца од бракот со Марк, која ќе биде опседната со староста и со прекумерната тежина. Кризата на 50-те години и загубата на сопругот ќе ја натера среќата да си ја бара на една од најпопуларните социјални мрежи – Твитер. Таму ќе го запознае Рокстер, 30 – годишен „тој бои“ кој ќе и го привлече вниманието. Како ќе заврши приказната останува да се причека уште десетина дена.