Македонија

Се зголемува бројот на лекови на рецепт, на товар на Фондот

Дополнување на нови готови лекови од примарната позитивна листа има за генерики од групите на лекови за: желудник, маснотии во крвта, шеќер во крвта, простата, антибиотици, против воспаление и антиревматици, остеопороза, паркинсонова болест, епилепсија, Алцхајмерова болест и нервен систем.

Дополнување на 49 нови заштитени имиња на лекови кои опфаќаат 37 лекови по генерика со одредена фармацевтска дозажна форма и јачина од примарната позитивна листа кои се издаваат на рецепт во ПЗУ аптеките на товар на Фондот за здравствено осигурување, се врши со одлуката на УО на Фондот (објавена во Службен весник од 29 август) за измени и дополнувања на одлуката за референтни цени на лекови кои паѓаат на товар на Фондот. Тоа претставува пет отсто зголемување на вкупниот број на лекови со референтна цена.

Ова денеска на прес-конференција го истакна директорот на ФЗОМ, Џемали Мехази, кој рече дека одлуката за утврдување на референтните цени на лекови се дополнува и со нови девет заштитени имиња на лекови за осум генерики со фармацевтска дозажна форма и јачина од Листата на лекови кои паѓаат на товар Фондот од болничката позитивна листа (за болничка здравствена заштита). Со тоа, укажа Мехази, вкупниот број на лекови според заштитено име за кои Фондот има утврдено референтна цена се зголеми на 1.672 лека (1.018 лека од примарна листа и 654 лека од болничка листа).

-Со дополнувањето на нови лекови во одлуката за утврдување на референтните цени на лекови се зголемува изборот на лекови за осигурениците и конкуренцијата на пазарот на лекови во Македонија со што се очекуваат и позитивни ефекти за намалување на одредени цени на лекови, како што покажува и досегашното искуство на Фондот. Со ова истовремено се зголемува и број на лекови без доплата за осигурениците, посочи Мехази.

Дополнување на нови готови лекови од примарната позитивна листа има за генерики од групите на лекови за: желудник, маснотии во крвта, шеќер во крвта, простата, антибиотици, против воспаление и антиревматици, остеопороза, паркинсонова болест, епилепсија, Алцхајмерова болест и нервен систем.

Тој додаде дека ФЗОМ контиунирано и редовно врши проверки и соодветно ажурирање на одлуката за утврдување на референтните цени на лекови согласно актуелните состојби и законските прописи. /МИА

Забава

Новата Мис на Буенос Аирес има 60 години, цел свет зборува за неа (ВИДЕО)

Алехандра Мариса Родригез, адвокатка и новинарка, неодамна ја освои титулата Мис Буенос Аирес и се квалификуваше за изборот за Мис на Аргентина.

Можеби веста не ви е премногу интересна, но кога ќе слушнете колку години има - сигурни сме дека ќе се шокирате.

На крајот на 2023 година, изборот за Мис Универзум ја укина старосната граница, која се применуваше од 1958 година. Поради оваа причина, изборот повеќе не е ограничен на натпреварувачки на возраст од 18 до 28 години.

Потребно е само тие да се полнолетни, што отвори надеж и за Алехандра.

Причината? Многу едноставно - жителката на Буенос Аирес има 60 години, а на неодамнешното натпреварување победи многу помлади девојки.

„Многу сум возбудена и почестена што ја освоив титулата. Сакам да им покажам на сите жени дека убавината не е поврзана со годините и дека можеме да ги скршиме бариерите“, рече таа.

Нејзиниот младешки изглед предизвика бурни реакции на интернет, а многумина беа шокирани од фактот дека таа може да биде нивна баба!

Следниот натпревар за Мис Аргентина се одржува на 25 мај, а се верува дека таа има шанса да победи, пренесува Oddity Central.

Зборувајќи за својот изглед и за тоа како успева да изгледа младешки, Алехандра открива дека вежба три пати неделно, повремено пости и се труди да се храни здраво. Исто така, користете добри креми за кожа.

Алехандра е разведена и живее сама, а се пошегува дека „нејзиниот статус“ можеби придонел за нејзиниот успех на неодамнешното натпреварување.

„Мислам дека судиите ја видоа мојата самодоверба и страст да ги претставувам жените од мојата генерација. Убавината нема рок на траење, за да бидеш убава само треба да веруваш во себе и да бидеш автентична“.

Македонија

Мицкоски: Постојниот простор на СВР Охрид ќе се стави во функција на градот

Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. 

Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража.

Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.

Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.

Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија, рече Христијан Мицкоски, претседател на ВМРО-ДПМНЕ.

Македонија

Да му помогнеме на малиот Војдан, кој треба да оди на рехабилитација во Загреб

Малиот Војдан, заради рехабилитација од церебрална парализа, на 06 мај треба повторно да патува во Загреб, каде што одат секој месец. 

Фондот за здравство ги одбил, бидејќи не се работело за операција. Информации околу кампањата за собирање на донации имате тука

Контактите од Марија Спасовска, мајката на Војдан се:

[email protected]

072221907

притисни ентер