Македонија

Одбележан Меѓународниот ден на семејството

Во Градскиот парк во Скопје беше одбележан „Меѓународниот ден на семејството“ - 18 Мај.

Програмата по повод одбележувањето ја подготвија Сојузот за грижи и воспитување на децата на град Скопје и членовите на детскиот хор „Златно славејче“.

Меѓу присутните на одбележувањето на овој ден беше и министерот за труд и социјална политика Спиро Ристовски заедно со семејството.

- Ве уверувам дека во периодот додека јас сум министер со гаранција ќе биде ова редовна годишна активност и секоја година ќе биде одбележуван Светскиот ден на семејството бидејќи за нас како Влада и воопшто сметаме дека семејството е основна базична клетка на општисетвото, а здраво и хармонично семесјтво е основа за создавање здраво општество и силна и стабилна држава, рече министерот за труд и социјална политика.

Тој посочи дека во моментов, како што истакна, семејството во Република Македонија се соочува со сериозен проблем на намален наталитет и нагласи дека токму затоа се спроведуваат сите овие активности, за да се мотивираат луѓето и да се сфати сензитивноста и сериозноста на проблемот.

Министерот Ристовски очекува во наредниот период во голем дел да се корегираат состојбите и дека квалитетот и карактеристиките на македонското семејство ќе се интензивираат во поглед на зголемување на бројот на деца и неговата одржливост.

Овој ден пред 20 години е утврден од страна на генералното собрание на Обединетите Нации за Меѓународен ден на семејството.

Свет

ЕУ бара независна истрага за масовните гробници во болниците во Газа

ЕУ денеска објави дека бара „независна“ истрага за масовните гробници во близина на двете главни болници во Појасот Газа.

„Бараме независна истрага за сомнежите и околностите на тоа откритие, бидејќи тоа создава впечаток дека можело да има прекршување на човековите права“, рече Петер Стано, портпарол на Европската служба за надворешни работи (ЕЕАС).

ОН вчера повика на независна истрага за масовните гробници откриени во двете главни болници во Појасот Газа.

Во изјавата, високиот комесар на ОН за човекови права Фолкер Турк рече дека е „ужасен“ од уништувањето на најголемата болница во Газа, болницата Ал Шифа и медицинскиот комплекс Насер во Кан Јунис, како и од откривањето на масовните гробници до нив.

Израелската армија негираше каква било одговорност и рече дека е „неосновано верување“ дека ги закопала телата на Палестинците.

Претставник на цивилната одбрана во Појасот Газа вчера изјави дека неговите тимови во саботата откриле тела на 340 луѓе во масовни гробници во кругот на болницата „Насер“. /МИА

Живот

Повеќе од 280 милиони луѓе се соочиле со акутен глад минатата година, покажува извештај на ФАО

 Над 280 милиони луѓе во 59-те земји во светот каде кризата со храна е најтешка, се соочиле со акутен глад минатата година, покажува извештајот на Организацијата за храна и земјоделство на Обединетите нации (ФАО).

Се забележува дека иако вкупниот удел на луѓето во светската популација кои се соочуваат со голем недостиг на храна во 2023 година беше малку помал отколку во 2022 година, тој остана над нивото пред пандемијата.

Во него се нагласува дека процентот на луѓе кои се соочуваат од акутен глад останува висок, а главни фактори зад овој тренд се воените конфликти, екстремните временски услови и економските шокови, кои продолжуваат да го загрозуваат одржливиот развој на светот.

Организацијата за храна и земјоделство на Обединетите нации предупредува дека влошувањето на ситуацијата во светот како резултат на овие фактори претставува сериозна закана за глобалната безбедност на храната во тековната 2024 година.

Извештајот на ОН ги става Авганистан, ДР Конго, Нигерија, Судан и Етиопија во првите пет земји погодени со најакутна криза со храна. /МИА

Свет

Владата на Словачка ја одобри контроверзната реформа на јавната радио и телевизија

 Владата на Словачка денеска ја одобри контроверзна реформа на јавната радио и телевизија во земјата, чекор, кој според критичарите, ќе доведе до преземање на целосна контрола врз медиумите од страна на Владата.

Минатиот месец, илјадници луѓе се собраа во главниот град за да го осудат планот, кој беше широко критикуван од локалните новинари, опозицијата, меѓународните медиумски организации и Европската комисија.

Премиерот Роберт Фицо рече дека промените се неопходни, бидејќи јавниот радиодифузен сервис РТВС бил политички пристрасен и е „во конфликт со словачката Влада“. Предложените измени ќе значат дека тој ќе има нова организација.

Се очекува, Парламентот, во кој коалициската Влада на Фицо има мнозинство, во јуни да ги одобри измените. /MIA

притисни ентер