Македонија

За една година „ОНЕ“ на македонскиот пазар паднал за 23 отсто

Вкупно 263 953 претплатници се регистрирани како корисници на телевизиски услуги.

Најмногу од нив програмите ги следат преку кабелска телевизија стои во последниот извештај на Агенцијата за електронски комуникации за податоците до третиот квартал 2012.

Од септември 2011 до септември 2012 година најголем пад на пазарот има ОНЕ дури за 22,74 % односно по сателитската телевизија најмал интерес има за телевизиска услуга Бум. Според податоците од Извештајот во третиот квартал во 2011 ОНЕ имале 49 003 претплатници за во 2012 трет квартал тој број да се намали за 11 илјади претплатници или 22 % помалку.

За сметка на БумТВ, раст од 116 % се бележи кај претплатниците на сателитска телевизија или од 762 претплатници во 2011 тој број за една година се зголемил на 1649 претплатници.

Зголемен интерес има за АЈ Пи Ти ВИ услугата односно сервисот МаксТВ. За истиот период Телеком од 35 илјади претплатници достигнал бројка од 58 илјади или раст на пазарот од речиси 65%.
Од вкупното учество на пазарот речиси 63 % пробрамите се следат преку кабелска телевизија. 22% се следат преку АЈ Пи Ти Ви сервисот на Телеком, 14 % од ДИ Ви БИ Ти сервисот на ОНЕ а 0,63 % преку сателитска телевизија.

Технологија

Вселенско пристаниште во Шкотска блиску до лансирање на сателит, совладани две од три пречки

Британскиот космодром „SaxaVord“ направи нов чекор кон испраќање сателит во орбитата откако регулаторите му дадоа лиценца за обезбедување безбедни услуги, отворајќи го патот за неговото прво лансирање подоцна оваа година.

Британската управа за цивилно воздухопловство (CAA) во денешното соопштение соопшти дека дала дозвола за локацијата „SaxaVord“, која се наоѓа на островите Шетланд, во близина на северниот брег на Шкотска. Тоа значи дека шкотското пристаниште ја отстрани втората од трите пречки за лиценцирање што мора да ги отстрани пред да се случи првото лансирање на ракетата.

Последниот чекор ќе биде дозволата за лансирање. „SaxaVord“, кој во декември стана првиот лиценциран космодром за вертикално лансирање во ОК, се здружи со германската Ракетна фабрика со седиште во Аугсбург за првата мисија.

-Како единствен целосно лиценциран вертикален космодром за лансирање во Западна Европа, сега се подготвуваме да направиме вселенска историја со почетокот на операциите за орбитално лансирање. Првото лансирање се очекува во третиот квартал од оваа година, рече Френк Странг, извршен директор на „SaxaVord“.

Се предвидува дека вселенскиот пазар ќе вреди повеќе од трилион долари до 2030 година, бидејќи компаниите ширум светот планираат да испратат илјадници нови сателити во орбитата. /МИА

Свет

Кокаин е пронајден во супермаркети во Германија, меѓу продуктите имало 100 килограми дрога

Работници откриле кокаин во стока во неколку супермаркети во Берлин и Бранденбург, пренесува Bild, повикувајќи се на извор во безбедносните кругови.

Засега не е познато во колку супермаркети во Берлин бил пронајден кокаин, додека во Бранденбург наводно биле погодени најмалку четири продавници.

Наводно биле откриени меѓу 20 и 100 килограми кокаин по продавница, пренесува Билд.

Полицијата е пред маркетите и врши преглед на робата. Засега не се знае вкупната количина на кокаин.

Полициските сили во Берлин пристигнале во Бранденбург и даваат административна помош во истрагите за кои станува збор, соопшти полицијата во одговорот за Билд.

Македонија

ССМ и КСОМ заедно на протест на 1 Мај под мотото „Ние работниците“

Сојузот на синдикатите на Македонија и Конфедерацијата на синдикалните организации на Македонија денеска упатија заеднички повик до сите работници да се обединат .

Сојузот на синдикатите на Македонија и Конфедерацијата на синдикалните организации на Македонија денеска упатија заеднички повик до сите работници да се обединат и заедно со синдикатите да излезат на 1 Мај на протестот кој ќе започне во 11 часот пред Работничкиот дом под мотото „Ние работниците“.

Ова, како што информираат од ССМ, е договорено на заедничката средба на претседателот на ССМ Слободан Трендафилов и секретарот на Советот на ССМ Златко Цветковски со претседателот на КСОМ Марјан Ристески и генералниот секретар на КСОМ Гоце Делчев Тодев.

-ССМ и КСОМ ги слушнаа барањата на работниците за потребата од обединување на синдикатите и оваа години заедно го организираат работничкиот протест на Меѓународниот ден на трудот 1 мај. Сојузот на синдикатите на Македонија и Конфедерација на синдикалните организации на Македонија заедно излегуваат на работничкиот протест на 1 Мај под мотото „Ние работниците“, соопштија од ССМ.