На меѓународниот аеродром во Франкфурт досега се откажани 213 летови. Снегот и ниската температура го отежнаа и патничкиот сообраќај, при што се регистрирани 120 сообраќајки. Метеоролозите предвидуваат температурата во текот на ноќта да се спушти до минус 15 степени, пренесоа западните медиуми.
И во Франција обилни снежни врнежи изминатата ноќ блокираа стотици луѓе во нивните автомобили долж патиштата во северниот дел на земјата. Над 68.000 домаќинства во Бретања и Долна Нормандија, во западна Франција, останаа без струја по обилниот снег, што вчера паѓаше цел ден. Во 26 департмани во северна и западна Франција е прогласено портокалово ниво на опасност поради снегот.
Белгија, исто така, е блокирана од снежна бура. Во Брисел движењето на автобусите и трамваите од градскиот транспорт е многу отежнато, а во Лиеж јавниот превоз денеска целосно е запрен.
И во југоисточниот дел на Англија илјадници автомобили останаа блокирани поради обилниот снег. Голем број возачи останаа во возилата повеќе од осум часа, во колона долга над 50 километри. Во прекин се е и железничкиот сообраќај, а не сообраќаат и фериботите кои ја поврзуваат Британија со континентална Европа.