Шоу биз

Северина на 13 април на концерт во Скопје

Бајка во четири чина раскажана низ хитовите на Северина.

Македонија е подготвена за шоуто кое не смеете да го пропуштите.

13- ти Април е датумот кога Северина во арената „Борис Трајковски, според организаторот, Т.А. Гуливер Милс, ќе направи спектакл кој долго ќе ја паметите.

Од Гуливер ветуваат спектакл,а од нејзиниот тим додаваат, тоа ќе биде вечер исполнета со Емоции и добри песни .

Ексклузивно ви откриваме дека концертот е замислен како продолжување на “бајката од студиото“ и е концептиран како контраст помеѓу доброто и злото, светлината и темнината.

Северина веќе работи на пробите за концертот во Риека и нестрпливо го чека датумот за дружење со македонската публика која и остави силен впечаток на претходниот концерт во Скопје во 2010 година.

Публиката на овој концерт ќе присуствува и на претстава и на концерт, спој од повеќе вида на уметности преку кои Северина ќе ви овозможи незаборавни мигови.

А изненадувања допрва следуваат. Така со секоја купена влезница, агенцијата „Гуливер“ за нејзиниот концерт на поклон го добивате и новиот албум „Добродошао у клуб“.

Запомнете на 13- ти Април сите патишта водат во арената „Борис Трајковски“. Бидете дел од шоуто за кое ќе се зборува.

Од утре билетите се во продажба во Т.А. Гуливер, Југотон, Камарад Рамстор, Цвеќара Розе- Веро 2, Шатци Парфимерии и Ресторан Арена Тетово

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА