Регион

Албанските функционери, министри и пратеници со повисоки плати од 65 до 98 отсто

По петчасовна расправа, за законот гласале 95 пратеници, тројца биле против додека петмина воздржани.

Предлог-законот за зголемување на платите во јавната администрација и на функционерите вклучувајќи ги и министрите и пратениците ги обедини власта и опозицијата во Албанија, чии пратеници доцна попладнево го изгласа истиот со кој платата на народните избраници се зголемува за 98 отсто, на министрите за 82, на шефот на државата за 65 и на премиерот за 72 отсто,јавија албанските медиуми.

По петчасовна расправа, за законот гласале 95 пратеници, тројца биле против додека петмина воздржани.

-Бруто платата на претседателот на државата од 257 илјади лека во моментов, се зголемува на 425 илјади лека(околу 3.900 евра) што е покачување за 65,3 отсто. Останатите двајца најплатени функционери се премиерот и претседателот на Собранието, кои ќе имаат иста плата, по 393.125 лека (околу 3.550 евра), министрите 318.750 лека (околу 2.880 евра). додека пратениците 310.250 лека( оклу 2.800 евра).

Со законот за зголемување на платите во јавната администрација, тие ќе бидат повисоки од 10 до 35 илјади лека( од 90 до 315 евра) а ќе бидат опфатени 130 илјади лица.

Бруто платата на доктор специјалист е ќе биде 1.570 евра, на лекар од општа практика 1.235, на медицинската сестра 785, додека наставник во предуниверзитетско образование ќе има плата од 890 евра. Платите во државната полиција се зголемуваат од 100 до 325 евра во зависност од позицијата, па така командир ќе има месечна плата од околу 950 евра.

Во дискусијата премиерот Еди Рама најави дека просечната плата до април идната година ќе достигне 900 евра, наспроти 259 евра колку што изнесувала 2013 година, кога социјалистите дошле на власт.

Министерката за финансии и економија на Албанија, Делина Ибрахимај презентирајќи го предлог закон за зголемување на платите во администрацијата, оцени дека реформата на платите во администрацијата создава соодветни услови администрацијата да стане конкурентна.

- Имаме намера да ја подобриме хиерархијата, да привлечеме и задржиме квалификувани вработени во администрацијата. Правиме директна врска помеѓу позицијата и соодветната одговорност со платата. Даваме подобра плата и ќе очекуваме подобра работа за секоја плата, рече таа.

Ибрахимај најави дека реформата дозволува на секои два лека собрани во буџетот од даноци и такси, еден лек да оди за директни плаќања на граѓаните. /МИА

Свет

Украинско МО: Ова е Херсон денеска - го гранатираа, поплавија, но не успеаја во ништо

Украинското Министерство за одбрана објави фотографија за која тврди дека го прикажува градот Херсон,  еден ден по поплавата предизвикана од уништувањето на браната во хидроцентралата Нова Каховка.

„Ова е Херсон денеска. Русите се обидоа со се што можеа да го освојат овој град. Испратија војска, го гранатираа, го поплавија. Не успеаја во ништо. Така и ќе продолжи. Како во Херсон, така и на други места во Украина“, соопшти украинското Министерство за одбрана.

Како потсетување, Херсон е единствениот главен град на украински регион што Русите го окупираа на почетокот на инвазијата, а потоа се повлекоа од него под притисок на напредувањето на украинските сили, за на крајот и да го ослободат. /МИА

Свет

Потпретседателката на САД повика да се обезбеди независност на судството во Израел

Американската потпретседателка Камала Харис ги повтори повиците до Израел да обезбеди независност на судството по масовните протести против реформскиот план на премиерот Бенјамин Нетанјаху.

Харис говореше синоќа на прием по повод 75-годишнината од основањето на еврејската држава организиран од Амбасадата на Израел во музејот во Вашингтон.

Таа вети цврста поддршка за безбедноста на Израел, но се осврна и на реформскиот план на Нетанјаху.

„Под претседателот Џо Бајден и нашата администрација, Америка ќе продолжи да се залага за вредностите кои беа основа на односите меѓу САД и Израел, кои вклучуваат продолжување на зајакнувањето на нашата демократија“, рече Харис.

Таа додаде дека „вредностите на двете земји се изградени на силни институции, контроли и рамнотежа и независно судство“.

Нетанјаху, кој ја предводи најдесничарската влада во историјата на Израел, предложи намалување на овластувањата на Врховниот суд и давање поголемо влијание на политичарите при изборот на судии.

По масовните улични протести и бојкотот од страна на противниците на реформите, кои велат дека тоа ја уништува демократијата, Нетанјаху во март најави „пауза“ за да овозможи разговори за реформи.

Во исто време, Бајден рече дека е „многу загрижен“ за предлогот на Нетанјаху, кој наиде на критики од некои десничарски сојузници на израелскиот лидер.

Харис, исто така, ја повтори поддршката за независна палестинска држава, на што се спротивставуваат голем број поддржувачи на Нетанјаху, велејќи дека Израелците и Палестинците треба „да уживаат еднаква слобода, просперитет и демократија“.

Потпретседателката на САД присуствуваше на приемот со нејзиниот сопруг Даг Емхоф, првиот сопружник Евреин на американски претседател или потпретседател, и рече дека како девојче собирала донации за Еврејскиот национален фонд за развој во израелските заедници.

„Денес, под водство на претседателот Џо Бајден, САД имаат нераскинлива врска со државата Израел“, рече Харис. /МИА

Македонија

За брзо возење санкционирани 369 возачи

Вкупно 369 возачи се санкционирани во текот на вчерашната засилена акциска контрола на територијата на земјава што ја спроведе Министерството за внатрешни работи за санкционирање на возила кои се движат со брзина поголема од дозволената.

Од нив, како што информира МВР, 24 возила се движеле со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволената брзина. Притоа 199 возила ја пречекориле брзината во населено место, а 170 надвор од населено место.

Од МВР најавуваат дека и во наредните денови ќе продолжат сообраќајните контроли и апелираат сите учесници во сообраќајот да ги почитуваат сообраќајните правила и прописи за, како што велат, заеднички да придонесеме за побезбедни патишта.

притисни ентер