Танјуг наведува дека станува збор за “скандал без преседан“.

Инцидентот според наводите на „Комерсант“, се заканува сериозно да ги закомплицира преговорите за втората нуклеарна подморница и останатите проекти во областа на воено-техничката соработка меѓу двете земји.

Тоа за рускиот весник го потврдиле неколку извори во руските државни структури наведувајќи дека индиските партнери неодамна направиле неколку “непријателски акти спрема Русија“, пренесува „Тасс“.

Првиот таков потег, како што се наведува, се случил кога делегација на морнарицата на САД го посетила носачот на авиони Викрамадитија (во сопственост на индиската морнарица) поради што руските официјални претставници упатиле протесна нота.

После некое време, како што изјавил висок воен извор за „Комерсант“, американска делегација ја посетила подморницата „Чакра“.

Според извори на весникот, специјализирани руски структури им подготвуваат одговор на своите индиски партнери.

„Во тек се многу тешки разговори, имаме многу прашања“ – навел еден извор.

Весникот пишува и дека во текот на претстојната посета на заменикот на рускиот премиер Дмитри Рогозин на Индија во декември, покрај претходно најавените договори за руското оружје, тема ќе бидат и овие инциденти.

Нуклеарната подморница INS Чакра (Проект 971) во составот на индиската подморница е од 2011 година.

Датум на објава: недела, 12 ноември 2017 во 09:59
www.kanal5.com.mk
Обновено во: 16:24

коментари

остави коментар